Lajme

BE dhe 6 vendet e Ballkanit perëndimor, sot takim në Bruksel

Autori: Gazeta inFokus 06:50 | 23 June 2022

Takimi i liderëve të vendeve të Bashkimit Evropian me ata të gjashtë vendeve të Ballkani perëndimor, do të mbahet sot (23 qershor) në Bruksel.

Tashmë Këshilli Evropian ka publikuar agjendën e shoqëruar edhe me një video, me pamje të ndryshme të vendeve të Ballkanit perëndimor.

Sipas Këshillit Evropian, takimi do të bazohet në lidhjet ekzistuese të ngushta midis BE-së dhe Ballkanit perëndimor.

-Advertisement-

Në agjendë shkruan se udhëheqësit do të diskutojnë përparimin për integrim në BE dhe sfidat që rrjedhin nga agresioni rus kundër Ukrainës.

“Takimi do të jetë gjithashtu një mundësi për të vlerësuar progresin në investimet kryesore në kuadër të Planit Ekonomik dhe të Investimeve për Ballkanin Perëndimor (EIP)”, shkruan në përshkrimin e përgjithshëm të këtij takimi.

“…do të diskutohet edhe për çështjet gjeostrategjike, për të eksploruar mënyra për të nxitur kontaktet mes njerëzve dhe për të promovuar përafrimin me vlerat e BE-së dhe politikën e përbashkët të jashtme dhe të sigurisë (CFSP)”.

Takimi i fundit ndërmjet liderëve të BE-së dhe Ballkanit perëndimor ishte samiti BE-Ballkani perëndimor i mbajtur në Brdo të Sllovenisë në tetor 2021.

Në atë kohë, presidencën e radhës së BE-së e kishte Sllovenia.

Subscribe në YouTube: GAZETA INFOKUSI
Etiketa:

Të tjera

Fokusi

lajme