Lajme

BE bën thirrje të formohet sa më shpejt qeveria dhe të zgjedhet presidenti

Autori: Gazeta inFokus 22:35 | 20 February 2021

Bashkimi Evropian ka ripërsëritur edhe njëherë kërkesën për formimin e shpejtë të institucioneve dhe zgjedhjen e presidentit.

Këtë, BE e nënvizoi edhe njëherë në njoftimin që e lëshoi për takimin e sotëm të shefit të Bashkimit Evropian në Kosovë, Tomas Szunyog me kreun e AAK-së, Ramush Haradinaj.

BE tha se është e rëndësishme dhe në interes të të gjithave partive politike që të lëvizin drejt progresit në rrugën evropiane, si dhe normalizimin e raporteve me Serbinë.

-Advertisement-

“Ambasadori i BE-së në Kosovë pati një bisedë të mirë me Ramush Haradinajn. Është e rëndësishme që të formohet qeveria dhe presidenti të zgjidhet sa më shpejtë. Është në interesin e të gjitha partive politike që ta kenë të mundur progresin në rrugën evropiane si dhe në normalizimin e plotë të raporteve me Serbinë”, thuhet në komunikatën e BE-së.

Haradinaj, në anën tjetër, ka bërë të ditur se i ka kërkuar shefit të BE’së mbështetje për liberalizimin e vizave.

“Kërkova nga ambasadori mbështetjen e tij dhe të BE-së, në sfidat të cilat e presin vendin tonë, liberalizimi i vizave, integrimet euroatlantike dhe marrëveshja për njohje të ndërsjellë mes Kosovës dhe Serbisë”, ka shkruar ai në një postim në “Facebook”.

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera