Sport

Bayern Muncheni ‘shkatërron’ Lazion dhe më një këmbë është në çerekfinale të Ligës së Kampionëve

Autori: Gazeta inFokus 22:53 | 23 February 2021

Bayern Muncheni e ka ‘shkatërruar’ Lazion, pasi e ka mposhtur në udhëtim me rezultat të lartë (1-4), në sfidën e parë të vlefshme për 1/8 e finales në Ligën e Kampionëve, shkruan Gazeta inFokus.

Më këtë fitore të drejtuarit e Hansi Filick më një këmbë janë në çerekfinale të garës më prestigjioze për klube në Evropë.

Në takimin e zhvilluar në ‘Olimpic Stadium’ në Romë, golat për ‘Bavarezët’ i shënuan Robert Lewandowski (9’), Jamal Musiala (24’), Leroy Sane (42’), Francesco Acerbi (47’), i cili realizoi autgol.

Kurse golin e vetëm për Lazio e ka shënuar Joaquin Correa (49’).

Sulmuesi i kombëtares së Kosovës, Vedat Muriqi, ishte për 90 minuta në bankë rezervë për lacianët.

Ndeshja kthyese luhet pas tri jave në stadiumin ‘Alliazn Arena’ në Munchen./Gazeta inFokus/

Të tjera

Fokusi

sport