Sport

Batatina tregon pse luajti me ekipën e dytë ndaj Feronikelit, flet edhe për objektivin madhor të Llapit

Autori: Gazeta inFokus 18:30 | 04 April 2021

Llapi ka pësuar humbje me rezultat të thellë ndaj Feronikelit në kuadër të xhiros së 27-të dhe ka bërë hapa prapa në klasifikim.

‘Legjendat’ u mposhtën me rezultat të thellë 4-0 nga Feronikeli në stadiumin ‘Rexhep Rexhepi’ në Drenas.

Trajneri i kësaj skuadre, Tahir Batatina, pas ndeshjes tregoi arsyet përse skuadra e tij humbi me rezultat të thellë në këtë përballje.

“Pjesën e parë kemi dominuar gjatë gjithë kohës, në pjesën e parë kemi pasur dy raste të 100% që t’i realizonim dy gola dhe të ishim shumë të qetë. Për shkak të kushteve që janë në teren nuk kam udhëtuar me gjithë ekipin për shkak se vëmendja është në ndeshjen gjysmëfinale kundër Prishtinës. Djemtë e dhanë maksimumin edhe pse nuk është dashur t’i pranonim 4 gola për ndeshjen që kemi bërë”, deklaroi fillimisht Batatina.

Ai më pas ka folur gjithashtu edhe për objektivin madhor të Llapit këtë edicion.

“Objektivi jonë është Kupa e Kosovës. Emri i Prishtinës është i madh, e dijë që Prishtina ka super skuadër dhe është skuadër shumë e fortë. I dimi pikat e forta dhe te dobëta të Prishtinës. Do ta japim maksimumin që të marrim rezultat pozitiv ne ndeshjen e parë që të mundomi që ndeshjen e dytë të kalojmë në finale. Besoj në skuadrën time, kam një skuadër që e duan Evropën. Por, gjithmonë duhet vlerësuar Prishtina. Përparësia jonë është se fokusi është vetëm në kupë, kurse Prishtina është duke luftuar në dy frone”, përfundon Batatina.

Llapi mbetet në pozitën e gjashtë të renditjes tabelare me 33 pikë.

Të tjera