Lajme

Bastiset një diskotekë në Prishtinë: Kapenthika, fishekë e shkopinj druri

Autori: Gazeta inFokus 19:59 | 15 July 2023

Policia e Kosovës, ka njoftuar se mbrëmë rreth orës 22:00 ka kryer një operacion bastisjeje në rrugën magjistrale Prishtinë-Fushë Kosovë, ku janë gjetur dhe sekuestruar 11 fishekë, dy thika, dy shufra metalike, një jelek antiplumb, një spërkatës dhe pesë shkopinj druri.

Nga PK’ja është bërë e ditur edhe se, në stacionin policor janë shoqëruar gjashtë persona të dyshuar me rekomandim të prokurorit është iniciuar hetim për gjashtë raste të ndryshme penale.

Komunikata e plotë:

Zbatohet një urdhër kontrolli i nxjerrë nga Gjykata Themelore në Prishtinë

-Advertisement-

Prishtinë, 15 korrik 2023 – Policia e rajonit të Prishtinës respektivisht stacioni policor Jugu, mbrëmë rreth orës 22:00, ka kryer një operacion bastisjeje në përputhje me urdhër kontrollin e nxjerrë nga Gjykata Themelore në Prishtinë.

Kontrolli u krye në një lokal (diskotekë), në rrugën magjistrale Prishtinë – Fushë Kosovë, me ç’ rast policia gjeti dhe sekuestroj;

  • Njëmbëdhjetë copë fishekë të kalibrave të ndryshëm,
  • Dy thika,
  • Dy shufra metalike,
  • Një jelek antiplumb,
  • Një Spërkatës (Sprej), si dhe
  • Pesë shkopinj druri.

Në stacionin policor janë shoqëruar gjashtë persona të dyshuar dhe me rekomandimin e prokurorit të shtetit është iniciuar hetim për gjashtë raste të ndryshme penale, ndërkaq të dyshuarit janë proceduar më tej.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme