Lajme

Bashota publikon fotografi: Sot pushuan të gjitha hetimet e Speciales ndaj meje

Autori: Gazeta inFokus 12:44 | 05 December 2024

Sokol Bashota ka njoftuar sot se janë pushuar të gjitha hetimet që Gjykata Speciale në Hagë pati ndaj tij.

Përmes një postimi në Facebook, Bashota tha se pas 5 vjetësh hetime, tani janë pushuar të gjitha hetimet që po zuhvilloheshin me të.

“Gjithnjë kam besuar në pastërtinë e luftës së UÇK-së, i bindur se me asnjë veprim timin dhe bashkëluftëtarëve nuk kemi cenuar normat ligjore dhe ato njerëzore”, shkroi Bashota.

-Advertisement-

Ky është postimi i plotë i tij:

Gjykata Speciale në Hagë ka pushuar të gjitha hetimet ndaj meje,

Të nderuar qytetarë të Republikës së Kosovës,

Në vitin 2019 isha ftuar nga Zyra e Prokruroit të Specializuar në cilësinë e personit të dyshuar të intervistohesha nga kjo zyrë.

Pas (5) vjetëve hetime, tani, më 19 shtator 2024 jam njoftuar zyrtarisht se të gjitha hetimet ndaj meje kanë pushuar.

Pushimi i hetimeve ndaj meje nuk është fitore vetëm imja, por edhe triumf i pastërtisë së luftës së Ushtrisë Çlirimtare të Kosovës.

Gjithnjë kam besuar në pastërtinë e luftës së UÇK-së, i bindur se me asnjë veprim timin dhe bashkëluftëtarëve nuk kemi cenuar normat ligjore dhe ato njerëzore.

Pastërtia e luftës së shenjtë të UÇK-së, u konfirmua edhe një herë zyrtarisht. Shfrytëzoj rastin ta falënderoj edhe avokatin tim z. Artan Qerkini për ndihmën profesionale në arritjen e këtij qëllimi.

Juaji Sokol Bashota.

Hagë, 05.12.2024.

Subscribe në YouTube: GAZETA INFOKUSI
-Advertisement-

Të tjera

Fokusi

lajme