Bashkimi Evropian “ndahet” shkaku i Kosovës e shkëmbimit të territoreve
Autori: Halil Berisha 10:26 | 12 May 2020
Bashkimi Evropian, si duket nuk është edhe aq i bashkuar sa i përket një teme e cila ka dy dekada që nuk po gjen zgjidhje, Çështja Kosovë – Serbi.
E tash kur po flitet edhe për një marrëveshje finale e cila do të ndalte këtë maratonë bisedimesh e tentimesh, ideja e shkëmbimit të territoreve që shpesh quhet edhe me emra tjerë, ka sjellë ndasi të mëdha në mes liderëve, shkruan gazeta inFokus.
Kryeministri në detyrë Albin Kurti thotë që kjo ide është e bërë nga dy Presidentët, ai i Kosovës Hashim Thaçi dhe ai i Serbisë Aleksandar Vuçiq.
Madje, është thënë që edhe SHBA-të, nuk janë kundër kësaj ideje, nëse dy vendet pajtohen.
E kjo çështje thuhej edhe që ka sjellë kundërshti të mëdha në mes të Shteteve të Bashkuara të Amerikës e Bashkimit Evropian.
Por, si duket, tash kundërshtitë janë edhe në mesin e kësaj të fundit.
Ditë më parë, përfaqësuesi i lartë i BE-së për Politikë të Jashtme dhe Siguri, Josep Borrell, ka thënë që nëse Kosova e Serbia arrin marrëveshje, çoftë edhe me shkëmbim të territoreve, kjo nuk do të kundërshtohet.
“Siç thash kjo është një çështje që duhet të zgjidhet në dialog mes Serbisë dhe Kosovës. Unë nuk shoh nevojën që ne të jemi më katolik se Papa. Nuk na takon neve t’u themi serbëve dhe kosovarëve se për çfarë duhet të pajtohen ata apo jo”, është një pjesë e përgjigjes së Borrell kur u pyet nëse është kundër një marrëveshjeje që përfshinë shkëmbimin e territoreve.
“Le të them se unë jam më shumë eklaktik. Ne duhet ta lehtësojmë dialogun dhe, siç thash, t’i marrim parasysh efektet kolaterale të çfarëdo lloj marrëveshje në pjesë tjera të rajonit, ku problemi i lëvizjes së kufijve ka qenë gjithmonë i ndjeshëm. Unë e kuptoj personalisht pozicionin e Gjermanisë dhe të tjerëve, por roli im, dhe i Përfaqësuesit tim të posaçëm është që ta lehtësojmë dialogun”.
Por, kundër kësaj ideje është i dërguari i posaçëm i BE-së për dialogun Kosovë – Serbi, Miroslav Lajçak.
“Javën e kaluar fola për APA për dialogun e mundësuar nga BE, i cili ka për qëllim arritjen e një marrëveshje normalizimi në mes të Kosovës dhe Serbisë. Kjo duhet të jetë në linjë me ligjin ndërkombëtar dhe t’i kontribuoj stabilitetit në regjion. Ideja e shkëmbimit të territoreve e bën të kundërtën”, ka shkruar në një postin në Tëitter, Lajçak.
E këtë e ka shpërndarë edhe ambasadori gjerman në Kosovë, Christian Heldt, vendi i të cilit ka qëndrim të njohur dhe strikt kundër prekjes së çfarëdoshme të kufijve, shkruan gazeta inFokus.
E në shkrimin e Lajçak ka komentuar edhe zëvendëskryeministri i Kosovës, Haki Abazi.
“Mbështes plotësisht dhe miratoj qasjen tuaj. Evropianizimi i Ballkanit Perëndimor është e domosdoshme për të siguruar demokracinë e ligjin ndërkombëtar dhe ruajtjen e natyrës multietnike të Kosovës, Serbisë dhe krejt regjionit. Ndryshimi i kufijve na kthen në konfliktet e të kaluarës, ne na nevojitet një e ardhme e ndritur dhe paqësore”, ka shkruar Abazi./Gazeta inFokus/
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...