Rozë

Bashkëshortja e Ilir Shaqirit flet për tradhtinë: Është diçka e vdekur, e varrosur

Autori: Gazeta inFokus 10:04 | 13 January 2022

Balerini Ilir Shaqiri u përfol tepër pasi rrëfehu tradhtinë e tij brenda shtëpisë së Big Brother Vip. Së fundmi ka qenë vetë bashkëshortja e tij e cila ka folur rreth kësaj teme. Bashkëshortja e balerinit Ilir Shaqiri, Emanuela e ftuar në një lidhje të drejtpërdrejtë me emisionin “Goca dhe Gra” ka folur për tradhtine duke thënë se falja është shumë e rëndësishme dhe zgjodhi ta bënte pasi Iliri po bënte çdo gjë që të fitonte sërish besimin e saj.

Ajo u shpreh se njerëzit mund të gabojnë por falë ndjenjave mund të luftohet për të lënë pas të kaluarën dhe për të ecur para. Emanuela tregoi se ka qenë nj♪7 moment i vështirë për ta diskutuar dhe Ilir ka qenë më i prekur se ajo para kësaj situate.

“Unë besoj se në jetë mund të gabohet dhe gjëja më e rëndësishme sipas meje është falja. Është shumë e vështirë të falësh por edhe të kërkosh që tjetri të të falë. Nuk e justifikoj Ilirin me asgjë, por qe shumë i zoti sepse pati shumë durim dhe më lejoi ta falja. Është një gjë që ne e kishim zgjidhur, për ne është diçka e së shkuarës, e vdekur dhe e varrosur vendosa të eci para pa probleme. Nuk prisja të flisja dhe ta shikoja unë nga shtëpia dhe të përballesha me këtë publik por nëse e ka bërë, besoj se kishte nevojë të ndihej vetvetja pa e gënjyer publikun dhe duke hequr plotësisht maskën duke treguar historinë më të rëndësishme.

Besoj se ka qenë shenjë besnikërie ndaj publikut. Mendoj se do edhe kurajo ta diskutosh me partnerin, megjithatë e ndjeva nga ana e Ilirit sepse kemi vuajtur shumë të dy. Ka vuajtur dhe ai në një mënyrë që nuk e shikoja normale dhe thoja si ka mundësi që e ke bërë këtë gjë dhe qan më shumë se unë. Në jetë mund t’i ndodhë kujtdo të gabojë, nuk e justifikoj tradhtinë, kemi 21 vite bashkë, besoj se në jetë ndodh që të gabojnë njerëzit por nëse ka ndjenjë, luftohet që të ecet përpara,- u shpreh ajo.

Të tjera