Lajme

Basha sfidon prap Ramën për debat: Hajde, mos ki frikë!

Autori: Gazeta inFokus 12:26 | 02 June 2017

Partia Demokratike ka çelur sot fushatën zgjedhore në qytetin e Pogradecit. Gjatë fjalës se tij kryedemokrati Lulzim Basha nuk i ka kursyer akuzat për qeverinë Rama.

“Më 25 qershor është koha që ai i rrethuari nga flluskat e vizatimeve, batutave, estradave të ngrihet në ballonin ku jeton e të largohet nga pushteti, duke i hapur rrugë Republikës së Re.

Largohu që t’i hapësh rrugë një kryeministri të thjeshtë për popullin e Pogradecit. Unë nuk do jem kryeministri i palmave, por i premtimeve dhe zgjidhjeve të halleve tuaja”,- tha Basha.
Ai i bëri thirrje sërish kryeministrit Edi Rama të përballen në televizion.

-Advertisement-

“Mbrëmë e refuzoi debatin me mua. Pse e refuzon? Ka frikë? Unë nuk do ta sulmoj fizikisht. Çfarë frike ka? I dalin të palarat, se bilanc nuk ka, 300 mijë vende pune nuk i hapi, shëndetësinë e la në pikiatë.

Nuk do debatin dhe e ka kthyer fushatën në shfaqje, vetëm me çështjet që iu interesojnë njerëzve nuk merret. Ndaj i them të mos ketë frikë, të përballet, thojani edhe ju kur të vijë këtu në Pogradec”,- tha kryedemokrati. /albeu.com/

Subscribe në YouTube: GAZETA INFOKUSI