Lajme

Basha i kërkon Ramës arrestimin e Qazim Sejdinit: Policia mbylli ngjarjen në Elbasan

Autori: Gazeta inFokus 14:52 | 28 September 2017

Fjalën e tij në Kuvend, kryetari i Partisë Demokratike, Lulzim Basha ia ka dedikuar më së shumti ngjarjes në Elbasan. Nga foltorja e Kuvendit Basha tha se pavarësisht dhunës së përdorur e ushtruar ndaj policit, ngjarja u mbyll, pasi policia refuzoi ta zbardhë urdhërin e prokurorisë. Ai akuzoi kryebashkiakun e Elbasanit, Qazim Sejdini se kompania e gruas së tij po hetohet për trafik droge.

“Prokuroria nis hetimet dhe urdhëron policinë që të përgjojë anëtarët e bandës. Policia refuzon të zbatojë urdhrin. Pas disa ditësh policia e mohon fare se është ushtruar dhune dhe është rrezikuar jeta e punonjësit të policisë. Qyteti i kësaj historie është Elbasani, banditi i kësaj historie është kryebashkiaku. Kompania e gruas së kryebashkiakut po hetohet për trafik droge. Një bandë kriminelësh ushtron dhunë të hapur ndaj policisë, policia refuzon t’i hetojë. Pastaj policia mohon ngjarjen. Pyetja që nge është se ku e gjen kurajon një grup banditësh të sulmojë policinë. Ça i bën policët që meqë u rrezikohen jeta dhe ulin kokën e heshtin”, – tha Basha.

Po ashtu, Basha listoi katër kërkesa drejtuar Ramës:

-Advertisement-

Largo Gramoz Ruçin dhe Fatmir Xhafën

Kërko menjëherë shkarkimin e Qazim Sejdinit

Jep listën e punonjësve të administratës që kërkohen nga Interpoli

Shkëput lidhjet e punonjësve të policisë nga trafiku i drogës

Subscribe në YouTube: GAZETA INFOKUSI