Lajme

Basha: Ditë e mirë sot për Kosovën në Këshillin e Evropës

Autori: Gazeta inFokus 16:28 | 24 April 2023

Deputeti i PD-së, Lulzim Basha ka thënë se sot është një ditë e mirë për Kosovën në Këshillin e Europës, pas mbështetjes së mori për aplikimin për anëtarësim në KiE, duke u përmbyllur faza e parë.

Ai përmes një postimi në Facebook, ka thënë se Kosova në Këshillin e Europës është garanci edhe për ata që kanë pretendime për sa i përket respektimit të të drejtave të njeriut dhe të drejtave të pakicave.

Postimi i tij i plotë:

-Advertisement-

Një ditë e mirë sot për Kosovën në Këshillin e Europës. Komiteti i Ministrave të vendeve anëtare, i dha mbështetje aplikimit të Kosovës në Këshillin e Europës, duke përmbyllur kështu fazën e parë të anëtarësimit të plotë të Kosovës në Këshillin e Europës.

Pas vendimit të shumëpritur të Bashkimit Europian për heqjen e vizave për qytetarët e Kosovës, akti i sotëm hap një faqe te re në marrëdhëniet e Kosovës me institucionet ndërkombëtare.

Kosova në Këshillin e Europës është garanci edhe për ata që kanë pretendime përsa i përket respektimit të të drejtave të njeriut dhe të drejtave të pakicave.

Kosova e pavarur është një realitet i pakthyeshëm në zemër të Evropës. Sa më shpejt që ky realitet të përqafohet nga të gjithë, duke përfshirë edhe Serbinë, aq më mirë do të jetë, para së gjithash, për qytetarët e Kosovës, si serbë ashtu edhe shqiptarë, aq më mirë do të jetë për të ardhmen e gjithë rajonit tonë.

Është koha që dhe shtetet anëtare të Bashkimit Evropian që ende nuk e kanë njohur Kosovën ta hedhin një hap të tillë. Sa më shpejt të ndodh aq më mirë do të jetë për sigurinë dhe stabilitetin e Europës.

Ballkani Perëndimor në #NATO dhe #EU do të thotë një Europë më e fortë, më e sigurtë dhe më e begatë.

Subscribe në YouTube: GAZETA INFOKUSI
Etiketa:
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
-Advertisement-

Të tjera

Fokusi

lajme