Lajme

Banorët nuk u besojnë më fjalëve të kryeministrit, Haradinaj u kërkon atyre kohë (Video)

Autori: Gazeta inFokus 21:16 | 03 September 2018

Banorët e disa fshatrave të komunës së Ferizajt protestuan sot duke kërkuar asfaltimin e rrugës, premtim ky që u kishte bërë ministri i Infrastrukturës, Pal Lekaj.

Është hera e dytë që banorët e fshatrave Bablak, Lubovc, Tërn, Koshare dhe Slivovë të Komunës së Ferizajt dalin në rrugë për të protestuar për të njëjtën kërkesë.

Banorët e kësaj ane kërkojnë ndërtimin e rrugës që i lidh fshatrat e tyre me magjistralen e Ferizajt dhe atë të Shtimes.

-Advertisement-

Sokol Murati, njëri prej protestuesve, thotë se qeveria nuk po realizon premtimin e dhënë.

“Na kanë dhënë një premtim, shpresojmë se do t’i mbanë fjalët. Pal Lekaj na ka dhënë premtime, dy herë ka qenë në këtë fshat, vetë ai ka thënë se rrugë më të keqe se kjo nuk ka”, shprehet ai për RTV Dukagjinin.

Nëse nuk rregullohen ky segment i rrugës banoret janë të bindur se do të dalin përsëri në rrugë.

“Që 18 vite janë kërkesat e vazhdueshme, të rregullohet rruga, por kush s’na merr parasysh. Nëse nuk rregullohet kjo rrugë do t’i shpeshtojmë protestat”, thotë Sami Musliu.

“Nuk ka udhë që nuk është shtuar këndej vetëm rruga jonë ka mbetur pa shtruar. Rruga nuk është shtuar sepse pushtetarët s’po munden me i nda tenderët”, shprehet banori tjetër, Ramiz Bajrami.

Për t’i mbështetur protestuesit, doli edhe vet kryeministri, Ramush Haradinaj, i cili iu tha banorëve se rruga nuk mund të rregullohet shumë shpejt, pasi që lënda për këtë gjendet në Organin e Pavarur të Prokurimit Publik dhe se qeveria nuk mund të ndikojë në shpejtimin e lëndës.

“Kërkesa është kjo: së pari na jepni ndonjë ditë kohë që t’i kryejmë detyrat. Unë këto detyra që janë të ministrive unë i marrë edhe si të miat. Nuk besoj se do të keni nevojë më të protestoni për këtë çështje”, deklaroi Haradinaj, përcjell Telegrafi.

Për të parë gjendjen e rrugës i pari i qeverisë vizitoi edhe disa pjesë të këtij segmenti.

Por fjalëve të parit të ekzekutivit, nuk po u besojë ata që më së shumti kalojnë në këtë anë.

Pas protestës rruga u lirua për qarkullim ku në përkrahje të kërkesave u kishte dalë edhe deputeti që vjen nga kjo anë, Labinot Tahiri.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme