Banorët e Kotorit të shqetësuar nga numri i lartë i turistëve
Autori: Gazeta inFokus 17:13 | 09 August 2024
Në Kotor të Malit të Zi banorët shprehen të shqetësuar nga numri i lartë i turistëve. Ata thonë se jeta e tyre është gjithnjë e më e vështirë gjatë sezonit turistik, ndërsa qytetit të vogël sipas eksperëve i mungon infrastruktura duke bërë që rrugët të kenë trafik të rënduar. Po ashtu një tjetër shqetësim është edhe ndotja e detit.
Qyteti i Kotorit në Mal të Zi, objekt i Trashëgimisë Botërore të UNESCO-s, i vendosur brenda gjirit piktoresk të Adriatikut, po përballet me një numër të lartë turistësh gjatë verës, duke bërë që në rrugë të krijohet trafik i rënduar.
Ndërsa disa pjesë të filmit James Bond, “Casino Royale” i vitit 2006 janë filmuar në këtë qytet, tani autoritetet thonë se Kotori është i mbingarkuar nga fluksi i turistëve dhe anijeve turistike. Turizmi kontribuon afërsisht një të katërtën e prodhimit ekonomik të Malit të Zi, me të ardhurat që përbëjnë 24.5% të Prodhimit të Brendshëm Bruto në vitin 2022.
Megjithatë banorët thonë se jeta e tyre është gjithnjë e më e vështirë gjatë sezonit turistik.
“Ka shumë njerëz në qytet. Ka turma të mëdha kudo, shumë guida turistike që udhëheqin grupet e turistëve. Përveç kësaj, nuk ka parkim dhe kjo shkakton bllokime masive të trafikut”, thotë Doris Dajkovic, banore në Kotor.
Sipas autoriteteve ka ditë që 3 deri në 4 anije, me mbi pesë mijë turistë, mund të ankorohen në portin e Kotorit. Vizitorët që zbresin nga anijet turistike aktualisht paguajnë një tarifë prej 1 euro për të hyrë në qytet.
“Numri i anijeve hyrëse është rritur vazhdimisht gjatë dhjetë viteve të fundit, duke arritur në afërsisht 500 vitet e fundit. Kjo është një shifër domethënëse dhe në një qytet si Kotori, nuk është e pazakontë që tre ose katër anije të ankorohen njëkohësisht. Për rrjedhojë, ne përjetojmë një numër shumë të madh vizitorësh në një hapësirë shumë të vogël. Përveç turistëve që mbërrijnë me anije, ka turistë që vijnë me autobusë apo automjete private nga shtetet dhe qytetet fqinje. Kjo e vështirëson jetën normale të banorëve tanë”, thotë Jovan Ristic, Drejtor i organizatave lokolae të turizmit.
Rritja e turizmit masiv po ndikon gjithashtu në mjedisin detar lokal.
“Në raste të tilla, veçanërisht kur ndikimi është intensiv dhe afatgjatë, dëmi zakonisht tejkalon përfitimet. Bukuria e gjirit është burimi ynë më i vlefshëm dhe është arsyeja pse njerëzit, anijet turistike dhe turistët vijnë në Kotor. Kjo është diçka që duhet ta ruajmë. Nëse bëhemi të njohur, shpresoj të mos jetë për turizëm masiv dhe cilësi të dobët të ujit, do të jetë e vështirë të rikthehet shkëlqimi i dikurshëm i Gjirit të Kotorit. Si ekologë, biologë dhe profesionistë, ne nuk jemi në thelb kundër turizmit; përkundrazi, ne e kundërshtojmë këtë lloj menaxhimi sepse vë në rrezik serioz jetën detare”, thotë Dr. Milica Mandic, biologe detare.
Në Kroacinë fqinje, Dubrovniku prezantoi në vitin 2017 një plan “Respekto qytetin”, duke kufizuar numrin e vizitorëve që mbërrijnë me anije në 4 mijë në çdo kohë./VOA
Të tjera
-
Binjakët gjenden të vdẹkur brenda veturës së nxehtë, familjari harroi t’i dërgonte në çerdhe
Fëmijë binjakë janë gjetur të vdekur brenda një makine të nxehtë pasi i afërm...
-
Ky shtet po përballet me mungesë të madhe të mësuesve
Ndërsa mungesa e mësuesve vazhdon në të gjithë Belgjikën, një numër në rritje...
-
OKB shprehet e gatshme të mbikqyrë një armëpushim të mundshëm në Gazë
Sekretari i Përgjithshëm i OKB-së Antonio Guterres tha të hënën se Kombet e B...
-
Drejtoresha e Lëvizjes FOL: Në vitin 2023 kishte regres në luftimin e korrupsionit nga prokuroritë e gjykatat
Mexhide Demolli-Nimani, drejtoreshë ekzekutive e Lëvizjes FOL, tha se të dhën...
-
Ish-kreu i Bankës Qendrore Evropiane: Ekonomia e BE, përpara një krize “ekzistenciale”
“Europa e ka humbur revolucionin digjital të shkaktuar nga interneti si dhe f...
-
Administrata Biden i ka dërguar Kongresit raportin mbi strategjinë për luftën në Ukrainë
Administrata e Presidentit Joe Biden i ka dërguar Kongresit një raport të kla...
-
Vlerësimi për performancën e Kuvendit gjatë sesionit pranveror, shpaloset sot
Raporti për vlerësimin mbi performancën e Kuvendit të Kosovës, gjatë sesionit...
-
Paralajmërimi për vërshime, ekipet emergjente në Prishtinë janë në gatishmëri
Komuna e Prishtinës ka bërë të gjitha përgatitjet pas paralajmërimeve nga Ins...
-
“Karantina gjatë pandemisë së COVID-19 mund të ketë plakur para kohe trurin e adoleshentëve”
Një studim nga Universiteti i Uashingtonit ka zbuluar se pandemia COVID-19 mu...
-
Publikohet analiza për regjistrim të popullsisë dhe ndikimi në komuna
Instituti Kosovar për Qeverisje Lokale (KLGI), mban konferencën në të cilin d...
-
Moti sot kryesisht i vranët dhe me shi
Instituti Hidrometeorologjik i Kosovës, njofton se sot mban mot kryesisht i v...
-
Lajçak takon Vuçiqin sot në Beograd
Sot, presidenti i Serbisë, Aleksandër Vuçiq, do të takohet me përfaqësuesin s...