Banorët e komunitetit ashkali në Novosellë pa ujë, rrugë e ndriqim

Autori: Gazeta inFokus
20:25 | 20 August 2022
Në një lagje të fshatit Novosellë jetojnë afër 70 banorë që i përkasin komunitetit ashkali, të cilët janë pa ujë, rrugë e ndriqim. Ata e kritikojnë komunën e Gjakovës që nuk i mori parasysh kërkesat e tyre.
Muharrem Syla erdhi nga Gjermania me veturë, por ajo i ka mbetur në oborr pasi që i është dëmtuar në lagjen e tij, ku rruga është në gjendje të keqe.
Riparimi i saj, Muharremit pritet t’i kushtojë 200 euro, ndërsa vështirësitë për të qarkulluar nëpër të i tregon vet ai.
“Rruga është shumë e dëmtume, kerrin e kom prish, qe 10 vjet është kështu”, tha Muharrem Syla.
Syla tregon se kërkesën për rregullimin e saj kanë dërguar tek çdo kryetar që ka qeverisur në Gjakovë, por që asnjëherë nuk u morën parasysh.
“Te secili kemi kërkuar që rruga të rregullohet por asnjëri nuk ka vepruar”, tha ai.
Por ky s’është problemi i vetëm i kësaj lagje. Banorët këtu kanë telashe edhe me ujin e pijshëm.
7 shtëpitë e kësaj lagje furnizohen më një gyp, që sjell ujin nga Liqeni i Radoniqit.
“Nëse njëra shtëpi e lëshon ujin, tjetra shtëpi nuk ka, prandaj po kemi tepër problem”, tha për t7 Ramiz Zaja, banor i fshatit Novosellë.
Komuna iu ka ofruar një zgjidhje për këtë, por ajo po iu duket e pafavorshme.
“Na ka thanë me pru një gyp prej Radoniqit, ne si banor duhet ose me pagu bagerin me hap kanalin, ose me pagu gypin, skem na aq shume pare”, ka deklaruar Zaja.
Lagjja ka probleme edhe me ndriçimin. Disa shtylla i vendosën vet e gropat mbeten të hapura për shtyllat e tjera.
Megjithatë, ndriçim nuk ka as në lagjen e tyre, e as në rrugën kryesore e cila është afro 200 metra larg nga ku jetojnë këta qytetarë.
“Këtu ka mungesë të ndriqimit, por edhe veturat vinë shumë shpejtë, sikur ne kanë formula ajnc, ju kisha lut mos me vozit kështu, një djal i tezes u kanë më bicikel ka shtyhen kerret u ra në llogem, se u kanë tu e shkel, e kom qu spital”, ka thënë një tjetër banor.
Në këtë lagje të fshatit Novosellë jetojnë afro 70 banorë që i përkasin komunitetit ashkali.
Për ankesat e tyre, televizioni ka bërë përpjekje të marrë përgjigje nga Komuna e Gjakovës, por të njëjtit ishin të paqasshëm/T7

Të tjera
-
Muharremi: Po e presim Albin Kurtin me folë, ai duhet me na tregu qartë a e përkrah ngritjen e çmimit të rrymës
Njohësi i çështjeve ekonomike, Shenoll Muharremi,ka thënë se Ministria e Ekon...
-
Policia në Prizren për serbët e arrestuar: Dy u ndaluan pasi u prezantuan rrejshëm si pjesëtarë të MUP’it, 10 janë liruar
Dy shtetas të Serbisë janë ndaluar nga Policia e Kosovës në Prizren, nën dysh...
-
Nga e shtuna mallrat nga Kosova i nënshtrohen tarifës së SHBA’së, Ministria thotë se është “në komunikim” me amerikanët
Për të dytën ditë me radhë, bizneset që kanë eksportuar mallrat e tyre për në...
-
Parashikimi i motit për pesë ditët e ardhshme
Instituti Hidrometeorologjik i Kosovës ka dhënë parashikimin e motit për pesë...
-
Katër të lënduar në aksidentin në rrugën Ferizaj-Gjilan, njëri dërgohet në QKUK
Katër persona u lënduan në aksidentin mes tri veturave në rrugën Ferizaj-Gjil...
-
Arrestimi i katër oficerëve serbë, Haradinaj: E përshëndes aksionin, ata që ikën të turpëruar në 1999 s’kanë vend këtu
Kryetari i Aleancës për Ardhmërinë e Kosoës (AAK),, Ramush Haraddiinaj, ka pë...
-
Çfarë ka ndodhur që kur u shpallën tarifat e reja të Trump?
Presidenti i SHBA-ve, Donald Trump, vendosi taksa për një numë të madh shtete...
-
Deputetë të “pakicave joserbe po joshen e shantazhohen” nga Serbia, Kurti: Institucionet e sigurisë kanë informacion të konfirmuar
Kryeministri në detyrë Albin Kurti, shpërndau në Facebook komunikatën e Qever...
-
BE-ja kërkon unitet kundër tarifave të Trumpit
Vendet e Bashkimit Evropian do të kërkojnë të paraqesin një front të bashkuar...
-
Këta janë katër nga 16 pelegrinët serbë që u arrestuan në territorin e Kosovës
16 pelegrinë serbë janë arrestuar në territorin e Republikës së Kosovës. Auto...
-
Arrestohen 16 persona që udhëtonin me katër vetura me targa të Serbisë, Sveçla jep detaje të operacionit policor
Ministri i Brendshëm në detyrë, Xhelal Sveçla, ka bërë të ditur detaje rreth ...
-
Raportohet për arrestimin e disa pelegrinëve serbë në Prizren
Policia e Kosovës ka ndaluar dhe shoqëruar sot disa pelegrinë serbë në pjesën...