Banorët e Hasit nuk dinin asgjë për laboratorin e drogës në fshat
Autori: Gazeta inFokus 18:33 | 20 October 2018
24 orë pas zbulimit të laboratorit të heroinës, Njësia Operacionale e Policisë së Shtetit, “Forca e Ligjit” është larguar nga fshati Bërnog i Hasit.
Krahas 5 të arrestuarve, nga të cilët të identifikuar janë Xhevit Shuti, djalin e tij të mitur A.Shuti, Mustafë Shutin, babai i Xhevit Shutit si dhe efektivin e zjarrfikëses, Flamur Çela, policia është në kërkim edhe të 5 personave të tjerë, pasi dyshohet për një rrjet trafiku ndërkombëtar.
I arrestuar është edhe A.Hoxha, por nuk dihet ende se cila është lidhja e tij me këtë ngjarje.
Daja i Xhevit Shutit i cili mbërriti në këtë fshat një ditë pas operacionit, është shprehur se nuk kishte pasur dijeni për atë që bënte nipi i tij.
Banorët e këtij fshati me më pak se 130 shtëpi të cilët jetojnë me bujqësi, ndërsa të rinjtë ndodhen në emigracion, janë shprehur të habitur pas zbulimit të laboratorit të sofistikuar për prodhimin e drogave të forta.
Ata thonë se s’kanë dëgjuar kurrë për ekzistencën e një objekti të tillë që përdorej për përpunimin e heroinës. Laboratori u gjet në një kapanon që përdorej për ruajtjen e ushqimit të bagëtive pranë një shtëpie banimi.
Një pjesë e mirë e peshës është heroinë dhe pjesa tjetër përzierës përfshirë edhe opiumin. Brenda në laborator u sekuestruan rreth 250 kg heroinë. Në terren ka qenë njësia e Forcës së Ligjit, ndërsa banorët pohojnë se kanë parë një agjent me mbishkrim “DEA”, por në fakt, siç ka mësuar Report Tv, ai rezulton se është një efektiv shqiptar i antidrogës i trajnuar në SHBA.
Mesditën e djeshme në periferi të Hasit u zbulua një laborator i përpunimit të heroinës, ku në prangat e policisë ranë pesë persona. Dosja do transferohet në Prokurorinë e Krimeve të Rënda për shkak se dyshohet për një rrjet trafiku ndërkombëtar heroine e cila vinte nga Lindja, përpunohej në laboratorin e Hasit dhe më pas trafikohej drejt vendeve të perëndimit. Heroina vjen nga Afganistani dhe përmes Turqisë vjen në Kosovë e më pas në Shqipëri, ku edhe përpunohet për t’u trafikuar më pas përmes Portit të Durrësit drejt vendeve europiane.
Të tjera
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...
-
Gërvalla takon ambasadorin amerikan – diskutuan për këto çështje
Ministrja e Punëve të Jashtme dhe Diasporës, Donika Gërvalla, ka zhvilluar ta...
-
ShBA do të vërë veton ndaj anëtarësimit të Palestinës në OKB
ShBA do të ushtrojë të drejtën e vetos nesër në një takim të Këshillit të Sig...
-
I vazhdohet paraburgimi Thaçit, Veselit dhe Bahtjarit
Në Dhomat e Specializuara të Kosovës (DhSK) në Hagë është marrë vendim për të...
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...
-
Abdixhiku organizon tubime përkrahëse për eurodeputetët mbështetës të Kosovës
Kryetari i Lidhjes Demokratike të Kosovës, Lumir Abdixhiku, ka njoftuar se kë...