Lajme

Banderolat anti-Kosovë në Bukuresht, Memli Krasniqi: S’ka sllogan që e ndryshon realitetin tonë

Autori: Gazeta inFokus 21:47 | 12 September 2023

Kryetari i Partisë Demokratike të Kosovës, Memli Krasniqi ka reaguar ashpër pas ndëprerjes së ndeshjes Rumani – Kosovë, si pasojë e thirrjeve nacionaliste të tifozëve rumunë “Kosova është Serbi”.

Krasniqi ka thënë se “Slloganet politike, koret fashiste, fishkëllimat e sharjet drejt djemve tanë dhe Kosovës në Rumani – nuk na ndalin”.

“Që nga 17 shkurti i vitit 2008, Kosova është shtet i pavarur, ndërkaq, që nga 3 maji i vitit 2016, Kosova është anëtare me të drejta të plota në UEFA. Slloganet politike, koret fashiste, fishkëllimat e sharjet drejt djemve tanë dhe Kosovës në Rumani – nuk na ndalin”, tha Krasniqi.

-Advertisement-

Krasniqi tha se Kosova, si shtet dhe si kombëtare futbollistike, do të paraqitet me krenari gjithandej nëpër botë, “edhe ku nuk na duan e posaçërisht aty”.

“Kemi punuar shumë për këtë ditë dhe nuk dorëzohemi para fashistëve të vegjël turbofolk. E përjetshme është Kosova!”, tha ai.

Subscribe në YouTube: GAZETA INFOKUSI