Lajme

Bajrush Hoti i LDK-së: Koalicioni me PDK-në në Malishevë nuk do të prishet në asnjë mënyrë

Autori: Gazeta inFokus 21:29 | 09 November 2021

Bajrush Hoti që në zgjedhjet e 17 tetorit garoi për kryetar të komunës së Malishevës nga radhët e LDK-së, e ka konfirmuar edhe një herë marrëveshjen e koalicionit me PDK-në, ku do ta mbështesin Isni Kilajn në balotazhin kundër Ekrem Kastratit të Nismas, shkruan Gazeta inFokus.

Pavarësisht se disa nëndegë të LDK-së kanë dalë kundër koalicionit me PDK-në, Bajrush Hoti në një përgjigje për Gazetën inFokus ka thënë se koalicioni me PDK-në nuk do të prishet në asnjë mënyrë.

“Po e pash në rrjetet sociale që kanë dal kundër një grup që ishin aty dhe aj grup para nënshkrimit të marrëveshjes nuk janë deklaruar kundër koalicionit me PDK-në, por janë deklaruar që do të jenë neutral. Koalicionin me PDK-në nuk do ta prishim në asnjë mënyrë”, ka thënë Bajrush Hoti për Gazetën inFokus.

-Advertisement-

Në zgjedhjet e 17 tetorit kandidati nga PDK, Isni Kilaj ka dalur i dyti, ku ka marrë gjithsej 6.383 vota apo 28.82%, ndërsa i pari kishte dalur kandidati nga NISMA, Ekrem Kastrati, i cili ka marrë 7.548 vota apo 34.08%.

Ndërsa kandidati nga LDK-ja, Bajrush Hoti, ka marrur 3.738 vota apo 16.88%.

Zgjedhjet për balotazh në 24 komunat e Republikës së Kosovës do të mbahen të dielën e 14 nëntorit./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme