Lajme

Bajrami: VV e ka reduktuar paaftësinë për konstituimin e Kuvendit në një problem teknik: “Mbledhja e deputetëve çdo 48 orë”

Autori: Gazeta inFokus 12:20 | 19 May 2025

Shefja e Grupit Parlamentar të Lidhjes Demokratike të Kosovës (LDK), Hykmete Bajrami, ka kritikuar ashpër Lëvizjen Vetëvendosje për qasjen e saj ndaj situatës së krijuar në Kuvendin e Kosovës, duke e akuzuar për mungesë përgjegjësie dhe paaftësi për të konstituuar institucionet, shkruan Gazeta Infokus.

“LVV e ka reduktuar paaftësinë për konstituimin e Kuvendit në një problem teknik – mbledhjen e deputetëve çdo 48 orë. Rregullorja e Kuvendit e përcakton këtë afat si mekanizëm për të përshpejtuar procesin e konstituimit, jo për ta zvarritur,” ka deklaruar Bajrami.

Sipas saj, për Lëvizjen Vetëvendosje nuk përbën problem mungesa e një Kuvendi funksional, një Qeverie legjitime apo bllokimi i projekteve dhe humbja e qindra milionë eurove në donacione – por problemi kryesor për ta është angazhimi për t’u paraqitur çdo 48 orë në Kuvend.

-Advertisement-

Ajo shtoi se në këtë situatë të jashtëzakonshme, ndërprerjet e seancës konstituive nuk do të duhej të zgjatnin më shumë se 10 minuta, duke bërë thirrje për veprim të menjëhershëm.

“LVV, si partia e parë, nuk ka vetëm obligime ndaj partive të tjera, por një përgjegjësi madhore ndaj qytetarëve: t’u japë institucione funksionale, ose të pranojë publikisht se nuk është e aftë për bashkëpunim dhe qeverisje, e t’i hapë rrugë zgjidhjeve të tjera. Ata kanë ikur nga përgjegjësia gjatë gjithë mandatit të kaluar dhe tani po vazhdojnë të bllokojnë çdo përpjekje për stabilitet. Kjo nuk është politikë – është papërgjegjësi,” ka theksuar Bajrami.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy