Bajrami thotë se politikanëve iu kujtohet Kushtetuta vetëm kur duan ta marrin ose ruajnë pushtetin
Autori: Gazeta inFokus 10:53 | 09 April 2021
Kushtetuta e Kosovës u miratua më 9 prill të vitit 2008 dhe hyri në fuqi më 15 qershor të atij viti.
Ajo ka karakter shtetformues dhe dita e ratifikimit të saj është festë në Kosovë, derisa një gjë e tillë nuk ndodh në shtetet e tjera.
Një prej hartueseve kryesor të saj, profesori i së Drejtës Kushtetuese, Arsim Bajrami, ka thënë se Dita e Kushtetutës duhet të shënohet edhe për të falënderuar dëshmorët dhe martirët që kanë dhënë kontribut në çlirimin dhe pavarësimin e Kosovës.
Ai, në një intervistë për KosovaPress, thotë se politikanëve në Kosovë iu kujtohet Kushtetuta vetëm kur duan ta marrin ose ruajnë pushtetin.
“Nëse i sheh shkeljet kushtetuese këto 13 vjet, nëse e sheh kush e ka shkelë Kushtetutën, shkelësit kryesorë janë vetë shteti dhe institucionet shtetërore. Kemi dy presidentë të larguar për shkak të shkeljes së Kushtetutës, kemi dhjetëra ligje të anuluara, kemi dhjetëra akte të qeverive, kryeministrave të anuluara, kemi shumë akte të komunave të anuluara, madje kemi edhe vendime të Gjykatës Supreme të cilat Gjykata Kushtetuese i ka shpallë jo kushtetuese. Pra kush po e shkel Kushtetutën, vet shteti dhe institucionet shtetërore, qytetarët praktikisht këtu janë viktima, sa herë që shteti e shkelë kushtetutën viktima janë qytetarët, ata pësojnë sepse dëmin nuk e kanë vet liderët, as kryetarët e partive, pra dëmi shkon të qytetarët me krizë politike, me mungesë të zhvillimin ekonomik, me papunësi”.
Hartuesi i Kushtetutës së Kosovës thotë se skeptikët duhet ta dinë që kjo Kushtetutë do të funksionojë shumë më gjatë sesa ishte parashikuar.
“Kushtetuta është jashtëzakonisht e qartë, por kultura politike është e mangët te ne dhe ambicia e politikanëve për të marrë pushtetin ka abuzuar me Kushtetutën. Ne nuk kemi bërë një Kushtetutë të modelit kinez apo indian me pesë mijë nene. Ne kemi bërë një Kushtetutë për mirëqeverisje, për njerëz të kulturuar, për lidership të kulturuar që nuk shkelin Kushtetutën dhe nuk vrapojnë për ta marrë pushtetin duke abuzuar me Kushtetutën sepse sa herë që janë ngritur rastet e mëdha në Gjykatën Kushtetuese, edhe në 2014 të rasti VLAN, dhe pastaj gjithmonë Gjykata Kushtetuese ka konfirmuar që normat kushtetuese janë të qarta”.
Profesori i së Drejtës Kushtetuese ka deklaruar se shkrimi i Kushtetutës është akt historik.
“Një e treta e Kushtetutës ka dalë nga Plani i Ahtisaarit dhe aty kemi bërë luftën kryesore me ekspertët e Ahtisaarit për përmbajtjen e Kushtetutës dhe kompromiset që janë bërë kryesisht te të drejtat e pakicave, të shumica e dyfishtë, të çështjet e interesit vital, të disa të drejta që u janë dhënë pakicave sidomos komunitetit serb i cili fatkeqësisht nuk po i përdorë për arsyen e vërtetë çfarë ne i kemi dhënë, por po i keqpërdorë duke e bllokuar shtetin e Kosovës, duke penguar vendimmarrjen politike në Parlamentin e Kosovës dhe Qeverinë e Kosovës dhe duke mundësuar ndikimin serb në politikbërien e Kosovës”.
Bajrami ka thënë se duhet të arrihet një unitet në mes të opozitës dhe opozitës për ligjet që kërkojnë dy të tretat në Kuvend dhe marrëveshjet ndërkombëtare, duke e përmendur si shumë të nevojshëm bashkëpunimin me komunitetet pakicë joserbe.
Në këtë mënyrë, sipas tij, do të relativizohej plotësisht ndikimi i Listës Serbe dhe e njëjta nuk do ta mund të pengonte shtetin e Kosovës, siç ka ndodhur me rastin e transformimit të FSK-së në ushtri të Kosovë.
Kushtetuta e Kosovës, e miratuar më 9 prill 2008, është përgatitur përmes një procesi të përshpejtuar dhe është hartuar nga një numër i vogël i ekspertëve vendorë nën mbikëqyrjen e ekspertëve ndërkombëtarë.
Këta të fundit u siguruan që dispozitat e saj të jenë në pajtueshmëri me Pakon e Ahtisaarit.
Të tjera
-
Maqedonci: Kemi informacione se Serbia sot do të testojë dronë kamikazë në kufi me Kosovën
Ministri i Mbrojtjes së Kosovës, Ejup Maqedonci 24 orë pas bllokimit në kufi ...
-
SHBA bllokon nismën për anëtarësimin e territoreve palestineze në OKB
Shtetet e Bashkuara të enjten bllokuan OKB-në nga njohja e një shteti palesti...
-
Qalaj: Jankoviq duhet të intervistohet nga AKI-ja dhe PK-ja se çfarë informacionesh dha në Serbi
Deputeti i Partisë Demokratike të Kosovës, Rashit Qalaj, ka thënë se zëvendës...
-
Ngjarjet e parapara për sot
Këto janë disa nga ngjarjet që janë paraparë për tu zhvilluar sot. Nënkrye...
-
Moti në Kosovë me vranësira
Për sot në Kosovë parashikohet të mbajë mot me vranësira të shpeshta dhe inte...
-
Kosovari që u arrestua nën pretekstin për kri*me lu*fte në Serbi, nesër del para gjykatës
Kosovari që u arrestua nën pretekstin për krime lufte në Serbi, nesër del par...
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...