Lajme

Bajrami, Mujës: I the dy të pavërteta në fjalimin tënd

Autori: Gazeta inFokus 13:25 | 09 Shkurt 2022

Deputetja e LDK-së, Hykmete Bajrami, ka bërë replikë kundër deputetit të Lëvizjes Vetëvendosje Armend Muja të cilit i tha se i ka thënë dy të pavërteta në fjalimin e tij.

“I the dy të pavërteta në fjalimin tënd. Kështu mund t’i quaj më së buti. Ju thatë që 22 % e amvisërive shpenzojnë 60 % të energjisë elektrike në Kosovë. Kjo është tepër e pasaktë. Mbrëmë në një debat televiziv, kryesuesi i bordit të ZRrE-së Ymer Fejzullahi tha se 40 % e energjisë elektrike në Kosovë shpenzohet nga sektori privat, pra bizneset. Nëse 40 % shpenzohet nga sektori privat dhe 60 % po u shpenzojke nga 22 % e amvisërive atëherë ku mbeten 78 % të amvisërive? Ku e marrin energjinë elektrike që e shpenzojnë? Kjo është një e pavërtetë. Nëse ju i keni të dhënat më të sakta sesa të kryetarit të bordit të ZRrE-së unë pres votën ‘pro’ të tuajën për shkarkim të bordit të ZRrE-së”.

Një kundër-replikë e pati edhe vetë Muja që e sqaroi deklaratën e tij për shpenzimet e amvisërive.

-Advertisement-

“Të thuhet i saktë ose i pasaktë është sikur të nisesh nga e vërteta absolute që gjë që nuk është. E vërteta është që unë e thashë që në kuadër të shpenzimit total vjetor të amvisërive të Kosovës, 3000 gigavat, janë 89 mijë amvisëri që shpenzojnë mbi 1000 megavat dhe janë shpenzuesit kryesorë të energjisë në kuadër të shpenzimit të amvisërive, jo shpenzimit total të energjisë. I kemi 540 mijë konsumatorë që i kategorizojnë si amvisëri nga të cilët 90 mijë i shpenzojmë mbi 1000 megavat kurse 78 % janë në 800 megavat. Këto janë të dhënat zyrtare. Nëse ju keni të dhëna të tjera është mirë që t’i sillni”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy