Lajme

Bajrami: Mosreagimi i pushtetit për sulmin ndaj Sylës është sinjal i keq, sulmuesit mund të trimërohen

Autori: Gazeta inFokus 11:08 | 12 Prill 2023

Deputetja e Lidhjes Demokratike të Kosovës, Hykmete Bajrami, thotë se shteti duhet të ofrojë shpërblim për qytetarët që japin informacione për sulmuesit e gazetarit Valon Syla, shkruan Gazeta Infokus.

Ajo përmes një postimi në “Facebook”, ka thënë se mosreagimi i pushtetit për sulmin ndaj Sylës është sinjal i keq për vendin, sepse sipas saj, duke mos reaguar kryeministri, presidentja e ministri i MPB-së, sulmuesit mund të trimërohen.

“Shteti të ofrojë shpërblim për qytetarët që japin informacione për sulmuesit e gazetarit Syla Askush nga pushteti, me përjashtim të kryetarit të Kuvendit, nuk ka reaguar për sulmin e mbrëmshem ndaj Valon Syles. Mosreagimi i tyre është sinjal i keq për këtë vend. Sepse duke mosreagu Kryeministri, Presidentja dhe ministri i brendshem sulmuesit mund të trimërohen. Shteti duhet të ofrojë shpërblime për ata qe japin informacione për arrestimin e sulmuesve. Liria e shprehjes nuk negociohet dhe as nuk guxon t’i nënshtrohet asnjë grupi apo individi të dhunshëm”, ka shkruar Bajrami./Gazeta Infokus/

-Advertisement-

Më poshtë gjeni postimin e saj të plotë: