Lajme

Bajrami: Kurti shfaqi apetitet e frikshme për ta kapur drejtësinë

Autori: Gazeta inFokus 13:05 | 30 December 2024

Deputetja e Lidhjes Demokratike të Kosovës, Hykmete Bajrami, i ka komentuar deklaratat e kryeministrit Albin Kurti në intervistën e tij të fundit.

Ajo tha se mbrëmë i pari i vendit shfaqi hapur synimet e frikshme për të kapur drejtësinë në vend.

“Mbrëmë, Kurti shfaqi hapur apetitet e tij të frikshme për të kapur sistemin e drejtësisë dhe për të rrënuar rendin kushtetues të vendit”, ka shkruar Bajrami në Facebook.

-Advertisement-

“Mos harroni, po bëhen katër vite që Kurti ka qenë kryeministër, me shumicë parlamentare në Kuvend, me qeveri pa koalicione dhe pa pasur asnjë pengesë, por sipas tij, drejtësia e ka penguar, prandaj atij nuk i mjafton të jetë kryeministër; ai po kërkon të bëhet mbret”.

“Me deklaratën e tij: ‘Unë guxoj t’ju them s’po vij. Ta shohim tash a guxojnë ata të vijnë’, Kurti ka sfiduar hapur Prokurorinë Speciale. Çfarë thotë një deklaratë e tillë për barazinë para ligjit? Çfarë mesazhi është ky për qytetarët e këtij vendi që respektojnë ligjet, rregullat dhe institucionet e drejtësisë?”

Sipas Bajramit, Kurti po e sulmon Gjykatën Kushtetuese dhe duke mos e njohur atë po tregon për ambiciet e tij për të ndryshuar rendin kushtetues.

“Sulmet e tij ndaj Gjykatës Kushtetuese, mosnjohja dhe kundërshtimin i vendimeve të saj, janë një tregues tjetër i ambicieve të tij për të ndryshuar rendin kushtetues në vend. Kurti asnjëherë nuk përmend se është vendimi i po kësaj Gjykate që çoi te zgjedhjet e parakohshme dhe e solli atë në pushtet, në vitin 2021”.

“E mbi të gjitha, ëndrra e tij për t’u bërë një ditë Kryeprokuror qartë tregon se nuk e ka për t’i shërbyer drejtësisë, por për t’i mbrojtur miqtë e tij të zënë në flagrancë – ata që po pasurohen në kurriz të qytetarëve. Korrupsion ky, tashmë i dokumentuar me fakte”.

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme