Lajme

Bajrami: Kujt po ja ka frikën qeveria e 51 përqindëshit

Autori: Gazeta inFokus 13:31 | 04 September 2023

Deputetja e LDK-së, Hykmete Bajrami ka thënë se pamja në Kuvend sot tregon shumë se ku është qeveria e majit.

Bajrami tha se kjo qeveri vrau të vetmin element të barazisë në shkollat e Kosovës.

“Këtë vit MASHTI dështoi të bëjë pazar me shtëpitë botuese, dhe dolu në konferencën katër ditë para fillimit të vitit të shkollor dhe ju tha prindërve që po ua kalojmë mjetet juve e ju përballuni me këtë kosto”, tha Bajrami.

-Advertisement-

Deputetja shtoi se sot qeveria e popullit e 51% nuk është në Kuvend.

“Nuk po e dimë prej kujt po ikni, kujt po ja keni frikën. Nëse e keni me të drejtë atëherë pse sot deputetët e mazhorancës nuk janë sot këtu që të përballen me kritikat tona”, u shpreh Bajrami.

Bajrami tutje shtoi se ministrja me shumë vonesë u tha prindërve që mos i bleni librat pa i marrë listat nga mësimdhënësit.

“Sot ministrja del krekoset me numrin e aplikimeve dhe buxhetin që e ka nda. Deri në fund të vitit shkollor do të kemi fëmijë që kanë me mbet pa libra”, tha tutje deputetja e LDK-së.

Subscribe në YouTube: GAZETA INFOKUSI