Lajme

Bajrami flet për programin mbështetës për NVM-të

Autori: Gazeta inFokus 13:40 | 12 May 2017

Ministrja e Tregtisë dhe Industrisë, Hykmete Bajrami, mori pjesë në sesionin informues të organizuar nga Ministria e Tregtisë dhe Industrisë, përkatësisht Agjencia për Investime dhe Përkrahjen e Ndërmarrjeve në Kosovë (KIESA) dhe Projekti “Rritja e konkurueshmërisë dhe promovimi i eksportit (ICEP) projekt ky i financuar nga BE. Këto sesione informuese kanë për qëllim informimin mbi programin mbështetës përmes të cilit projekti ICEP do t’iu ofrojë këshillime profesionale për rritjen e eksportit rreth 30 Ndërmarrjeve të Vogla dhe të Mesme të Kosovës.

Në fjalën e saj, ministrja Bajrami theksoi angazhimin e Ministrisë së Tregtisë dhe Industrisë në fuqizimin e NVM-ve si gjenerues të vendeve të punës dhe rritjes së eksportit. Znj. Bajrami falënderoi Zyrën e Bashkimit Evropian në Kosovë, të cilët kanë mbështetur në vazhdimësi

Ministrinë e Tregtisë dhe Industrisë në projekte të ndryshme që kanë ndikuar në përmirësimin e të gjitha shërbimeve të cilat ofrohen për ndërmarrjet kosovare.

-Advertisement-

Bajrami theksoi rëndësinë e projektit “Rritja e konkurueshmërisë dhe promovimit të eksportit,” përkatësisht programit për zhvillimin e ndërmarrjeve i cili është ua mundëson ndërmarrjeve të vogla dhe të mesme të vendit marrjen e asistencës dhe këshillave në mënyrë që të rrisin aftësinë konkurruese dhe të eksportit.

Ministrja Bajrami tha se MTI ka mbajtur sesione informuese në disa komuna të Kosovës për t’i informuar të gjitha ndërmarrjet rreth këtij projekti të rëndësishëm.