Lajme

Bajrami: Buxheti i vitit 2023 nuk parasheh Ligjin e Pagave dhe rritjen e pensioneve

Autori: Gazeta inFokus 09:30 | 02 November 2022

Deputetja e Lidhjes Demokratike të Kosovës (LDK), Hykmete Bajrami, ka thënë se “buxheti për vitin 2023 nuk e parasheh zbatimin e Ligjit të pagave, s’parasheh as rritje pensionesh”.

Ajo ka akuzuar Qeverinë Kurti që nuk po e llogaritë inflacionin që i ka goditur qytetarët, duke mos reflektuar në rritje të pagave.

“Kur Kosova po përballet me inflacion, Qeveria e Kosovës ka propozuar ”buxhetin më të madh në histori”, ku nuk përfshinë rritje të pensioneve. Nuk ka paraparë as kosto për zbatimin e Ligjit të pagave. Pra, nuk ka paraparë rritje pagash, nuk ka paraparë as indeksim të pensioneve dhe pagave për normën e inflacionit”, ka shkruar Bajrami në Facebook.

-Advertisement-

Ka thënë se inflacioni është 12.7 për qind e që për shportën bazë kalon rritja mbi 50 për qind.

“Më së shumti nga inflacioni po preken familjet pa të ardhura dhe ato me të ardhura të ulëta”, ka thënë ajo.

“Në gjithë këtë situatë, Qeveria s’ka asnjë plan. Ndoshta, kjo Qeveri ka plan të ikë sepse deri më tash s’po shohim as hapa minimal për t’u përballur me këtë situatë të rënduar”.

“Partia në pushtet dhe komplet Qeveria janë kurthuar në temën e targave. Kanë shndërruar dialogun me Serbinë në temë qendrore. Konfrontimin me SHBA-në dhe BE-në e kanë bërë përditshmëri. Dhe, s’kanë asnjë zgjidhje për ekonomi, s’kanë zgjidhje për arsim, s’kanë zgjidhje as për shëndetësi.

Ndoshta, partia në pushtet dhe komplet Qeveria po punojnë në video propaganduese se si “Kosova po bëhet si Kroacia”, ka deklaruar Bajrami.

Subscribe në YouTube: GAZETA INFOKUSI
Etiketa:
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme