Lajme

Bajqinovci për Deliqin: Veç Millosheviqi po i mungon Serbisë që të kompletohet udhëheqja kriminale e viteve ’90-ta

Autori: Gazeta inFokus 16:04 | 03 August 2022

Deputeti i Lëvizjes Vetëvendosje, Mefail Bajqinovci ka reaguar pas zgjedhjes së Bozhidar Deliq nënkryetar i Kuvendit të Serbisë.

Reagimi i tij ka ardhur pasi Deliq ishte komandant i brigadës që kreu krime lufte në Kosovë.

“Komandanti i brigadës që kreu krime lufte në Kosovë zgjidhet nënkryetar i Kuvendit të Serbisë. Veç Millosheviçi po ju mungon edhe po kompletohet udhëheqja kriminale serbe e viteve 90-ta”, ka shkruar ai në Facebook.

-Advertisement-

Gjatë luftës në Kosovë në vitin 1999, Bozhidar Deliq ishte komandant i Brigadës 549 të Motorizuar të Ushtrisë Jugosllave.

Ish-komandanti i Brigadës së 549 të Ushtrisë së Jugosllavisë, Deliq është i akuzuar për krime lufte në Kosovë.

Fondi Joqeveritar i Beogradit për të Drejtën Humanitare, i cili heton krimet e luftës, ngriti dy kallëzime penale kundër tij për ato që ata thanë se ishin krime në Kosovë, por asnjë procedim nuk u nis kurrë kundër Deliq.

Subscribe në YouTube: GAZETA INFOKUSI

Të tjera

Fokusi

lajme