Kryetari i komunës, Agim Bahtiri ka pritur në kabinetin e tij drejtorin e Bordit të Fondacionit “Friedrich Naumann Stiftung” dhe përfaqësuesen e këtij fondacioni për Kosovë, zonjën  FNS, dhe Minire Çitaku, me të cilit   ka biseduar për gjendjen e përgjithshme në Mitrovicë.

Kryetari Bahtiri i tha ish deputetit  dhe ish kryetar i Komunës Bremerhaven në  Gjermani,  Manfred Richter  se prej ardhjes së tij në krye të komunës, situata ka ndryshuar rrënjësisht për të mirë  në të gjitha fushat.

“Mitrovica ka qenë e njohur për probleme të shumta, tensione të ngritura dhe pasiguri për qytetarët e të gjitha përkatësive etnike. Mirëpo, me punë, angazhim të pa pandërprerë dhe përkushtim të madh, kemi arritur që Mitrovicën ta bëjmë njërën nga komunat më  stabile në vend, ku siguria për qytetarë është ngritur dhe ku kriminaliteti ka rënë për 43.8 për qind”, tha ai.

-Advertisement-

Po ashtu Kryetari Bahtiri në vazhdim i  njoftoi  të pranishmit edhe për punën që është bërë në krijimin e kushteve për investime dhe rregullimin e infrastrukturës.

“Kemi krijuar Zonën e lirë Industriale në një hapësirë prej 44 hektarësh, ku deri tash është ndarë toka për shfrytëzim falas për 99 vjet për rreth 20 biznese, ka edhe rreth 70 kërkesa të tjera, ndërsa që ka hapësirë edhe për 80 biznese tjera të interesuara. Është ndërtuar Fabrika për prodhimin e kërpudhave, e cila kur të rrumbullakohet do të jetë më e madhja në Evropë, prodhimi i së cilës është i garantuar në tregjet evropiane”, theksoj ndër të tjerash kryetari Bahtiri.

Në vazhdim kryetari Bahtiri tha se ka kontakte me drejtuesit e komunës në veri dhe se raportet ndëmrjet shqiptarëve  dhe serbëve janë në përmirësim e sipër. Ai shtoi se së shpejti do të ketë një konferencë të përbashkët me kryetarin e veriut për të joshur investitorë dhe donatorë ët jashtë, gjë që do t,i kontribuonte relaksimit të mëtutjeshëm ët situatës dhe zhvillimit ekonomik të të dyja komunave.

Drejtori i Fondacionit “Friedrich Naumann Stiftung”, Manfred Richter, tha se po ndjehet mirë kur po dëgjon për rezultatet e arritura dhe për përpjekjet për të zhvilluar komunën ekonomikisht, pasi që siç tha ai, zhvillimi i përmbush kërkesat e qytetarëve për siguri sociale, jetë cilësore dhe perspektivë për të ardhmen.

Richter i tha kryetarit Bahtiri se fondacioni i tij do të vazhdoj bashkëpunimin me komunën e Mitrovicës dhe do ta mbështesë në realizimin e projekteve të ndryshme aq sa lejojnë mundësitë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-