Babai rrëfen për gjendjen e heroit të Shëngjinit pasi rrezikoi veten për t’i shpëtuar nga mbytja vëlla e motër nga Kosova
![](https://gazetainfokus.com/wp-content/uploads/2022/08/5.png)
Autori: Gazeta inFokus
18:40 | 20 August 2022
Robert Neçaj, një i ri i cili punonte si vrojtues i plazhit në zonën Rana e Hedhun në Shëngjin, u kthye në hero pak ditë më parë, pasi shpëtoi nga mbytja vëlla e motër nga Kosova që po pushonin aty.
Por gjatë përpjekjeve për të shpëtuar dy të miturit, Neçaj u dëmtua për vete, pasi piu shumë ujë duke përfunduar në spital.
Pas kësaj ngjarjeje, Familja Neçaj ka dhënë detaje mbi shëndetin e heroit, duke treguar se ai është jashtë rrezikut për jetën.
Babai i tij, Tonin Neçaj ka rrëfyer gjithë ngjarjen nëpërmjet një postimi në Facebook duke dhënë detaje edhe për shëndetin e të birit.
Tonin Neçaj sqaron se Roberti, heroi që shpëtoi vëlla e motër nga Kosova, nuk ishte vrojtues në atë zonë, megjithatë, ai kishte ndërhyrë pasi pa që të rinjtë ishin në rrezik.
“Për ata që janë kurioz sqarojmë se Roberti nuk ka qënë vrojtues në atë zonë. Ora ka qënë rreth 19:30, kur Roberti ka shkuar si zv/President i Federatës së Vrojtuesëve të plazhit për të shpërndarë mjete pune për Vrojtuesit në Shëngjin. Dy adoleshentë kosovarë 16-17 vjeç, vëlla e motër, i ka tërhequr deti kur kanë hyrë në ujë, në një vend, jashtë zonës së mbulimit nga vrojtuesit e plazhit, tek Rana e Hedhun. Djalin e kapi epilepsia (sëmundja e tokës), ndërsa vajza tmerrohet”, thuhet në rrëfimin e babait të Robertit.
“Ata arrijnë aty ku deti kishte deri në 4-5 m thellësi dhe trazira dhe fillojnë të kërkojnë ndihmë. Por, si një ditë me pak reshje shiu, në orar të vonë dhe larg mundësive për ndihmë, aty afër pothuajse nuk kishte njerëz. Në këtë moment Roberti vendos të ndërhyjë për t’i ndihmuar, ndonëse e parashikonte rrezikun. Por “i mbyturi të mbyt”. I “sulmuar” nga të dy të rinjtë, për të mos u mbytur, Roberti nuk tërhiqet, por fundoset disa herë duke i mbajtur kokat e tyre jashtë ujit . Ai i mbron të rinjtë por pin shumë ujë vetë.“Kur i nxjerr ata në cektësi, vetë mbetet pa ndjenja sapo mbërrin në breg. Tashmë Roberti është përmirësuar mirë dhe ndihet i lumtur për suksesin e arritur! Faleminderit me përultësi të gjithëve!””, thotë më tej Tonin Neçaj.
Pas gjithë kësaj situate, Roberti ishte detyruar të kërkojë ndihmë mjekësore.
Fatmirësisht, ai aktualisht është jashtë rrezikut për jetën.
“Faleminderit për vlerësimin që i keni bërë rastit të djalit tonë, Robertit, në sensin e humanizmit dhe dhimbjes njerëzore! Falë humanizmit dhe ndjenjës së korrektësisë në punë, Roberti u bë pre e ngjarjes së pardjeshme. Është kënaqësi e jona që ai sakrifikoi për shpëtimin e dy jetëve të dy të rinjve,vëlla e motër adoleshentë. Ndihemi shumë të lumtur që më në fund shpëtoi edhe jeta e Robertit, falë përgatitjes së tij profesionale dhe kujdesit të organeve shëndetësore të spitalit të Lezhës”, ka shkruar ai.
Në Shqipëri muajve të fundit ka pasur kritika në lidhje me mungesën e rojeve të plazhit.
Së fundmi, ishte regjistruar një rast tragjik në Himarë, ku si pasojë e mjeteve lundruese ishte vrarë një vajzë e vogël.
![](https://gazetainfokus.com/wp-content/uploads/2024/01/ARTIKULLI-ufc-scaled.jpg)
Të tjera
-
Edita Tahiri: Kurti e la veriun pa sovranitet dhe e mbushi me forca të KFOR-it
Ish-kryenegociatorja e Kosovës për bisedime me Serbinë, Edita Tahiri, ka reag...
-
Lista Serbe mbrëmë thirri konferencë për mediume të caktuara, ankohen gazetarët serbë në veri
Lista Serbe mbrëmë ka mbajtur një konferencë për media pas aksionit që nd...
-
Hidhet mjet shpëṛthyẹs te ish-komuna paralele serbe në Leposaviq, policia jep detaje
Policia e Kosovës ka njoftuar se pas mesnatës në afërsi të objektit të ish ko...
-
Bekim Haxhiu i merr dy avokatë kundër ‘shpifjeve gjatë fushatës zgjedhore’: Puna e mbarë kundër çdo shpifësi në drejtim timin
Deputeti i PDK-së, Bekim Haxhiu, përmes një njoftimi në Facebook ka bërë të d...
-
Një bankë në Prishtinë raporton se ka pranuar para fals nga 11 biznese
Një zyrtar i një banke në Prishtinë ka raportuar në polici se kanë pranuar n...
-
Ngạcmohet seksụạlisht një e mitur në Fushë Kosovë
Një vajzë e mitur ka raportuar në polici se është ngacmuar nga një burrë, ...
-
Plạgoset aksidentalisht një person në Podujevë
Është arrestuar një person në Podujevë, pasi i njëjti dyshohet se ka plagosur...
-
Pas operacionit të policisë në Veri, karabinierët vendosin automjete të blinduara mbi Urën e Ibrit
Pas aksionit të Policisë së Kosovës, e cila mbylli objektet ku punonin disa n...
-
Ambasadorit francez pas aksionit në veri: Njëanshmëria nuk sjell zgjidhje të qëndrueshme
Ambasadori i Francës në Kosovë, Olivier Guerot, ka reaguar pas aksionit të dj...
-
Biserko: Rasti i Banjskës e ka hequr ndarjen e Kosovës nga tryeza
Sonja Biserko, kryetare e Komitetit të Helsinkit për të Drejtat e Njeriut...
-
“Rrezik për përshkallëzim të mëtejshëm”, Stano reagon për aksionin e policisë në Veri
Zëdhënësi i BE-së, Peter Stano, ka reaguar për aksionin e djeshëm të Policisë...
-
O’Brien, Kurtit: Stop veprimeve që ndikojnë negativisht në raportet tona
Ndihmës-sekretari amerikan i Shtetit, Jim O’Brien, ka reaguar pas aksionit të...