Lajme

Babai nga Podujeva ia merr vajzës pasaportën me vizë gjermane, ia gris biletën kthyese

Autori: Gazeta inFokus 09:27 | 24 November 2021

Një person në Podujevë është arrestuar pasi që përkundër dëshirës së vajzës së tij, ia ka marrë dokumentet e saj personale dhe ia ka grisur biletën kthyese, shkruan Gazeta Infokus.

Sipas policisë rasti ka ndodhur mesditën e së martës, ku me aktvendim të prokurorit kujdestar të dyshuarit i është caktuar masa e ndalimit për 48 orë.

“Është arrestuar i dyshuari mashkull kosovar i cili përkundër dëshirës së viktimës (vajzës së tij), ia kishte marrë komplet dokumentacionin personal (pasaportën me vizë gjermane) dhe ia kishte grisur biletën kthyese”, thuhet në raportin 24 orësh të Policisë së Kosovës.

Rasti në polici po cilësohet si “Privim i kundërligjshëm i lirisë”./Gazeta Infokus/

Të tjera