Lajme

Azemi, LDK: Kurti u kthye nga Brukseli si dështak, para mediave viktimizohet si qyqar

Autori: Gazeta inFokus 20:52 | 14 September 2023

Zyrtari i LDK-së, Visar Azemi, ka thënë se kryeministri Kurti u kthye si dështak sot nga Brukseli, ku zhvilloi takim të Nivelit të Lartë me presidentin serb, Vuçiq.

Sipas Azemit, pozicioni i Kosovës në tryezën e dialogut po dobësohet çdo herë e më shumë ndërsa tha se Kurti po viktimizohet “si qyqar” para mediave.

“Në tavolinën e dialogut iu thotë “po” të gjitha atyre për të cilat të tjerët i akuzonte për tradhti, e pas takimeve, para mediave del e viktimizohet si qyqar. Herë vajton qysh pala tjetër s’po ia vlerëson konstruktivitetin e herë ankohet qysh ndërmjetësuesit ndërkombëtarë s’po ia mbajnë anën”, tha Azemi në Facebook.

-Advertisement-

Tutje, sipas tij, me në krye Kurtin, Kosova s’po fiton asgjë nga dialogu.

“Kurti edhe sot u kthye nga Brukseli si dështak. Kosova me Kurtin në krye të dialogut s’po fiton asgjë në këtë proces. Fjalimet e gjata e të thata të tij, përveç duartrokitjeve të militantëve nuk sjellin asgjë të vlefshme. Qasja e tij vetëm po e stërkeq të ardhmen e vendit”, shkroi ai.

Nga takimi Kurti-Vuçiq në Bruksel nuk u arrit rezultat pozitiv. Shefi i Diplomacisë së BE-së, Josep Borrell tha se Kosova nuk e pranoi propozimin e tyre për kompromis.

Reagimi i plotë:

Subscribe në YouTube: GAZETA INFOKUSI