Kryetari i Sindikatës së Pavarur të Sektorit Privat të Kosovës, Isuf Azemi në një konferencë për medie ka folur për gjendjen e punëtorëve në sektorin privat pas takimit me kryeministrin e vendit, Ramush Haradinajn.

Azrmi ka thënë se Haradinaj i ka dëshpëruar kur kanë kërkuar nga ai të zbatohet ligji  i punës,marrëveshja kolektive dhe paga minimale, shkruan Infokusi.com.

I pari i sindikatës ka thënë gjithashtu se edhe punëtorët e sektorit privat duna të kenë një jetë si të kryeministrit e fëmijëve të tij.

-Advertisement-

“Patëm takim me kryeministrin, para disa ditësh ku jemi ndarë të zhgënjyer sepse kur ne i kërkuam që të zbatohet ligji  i punës marrëveshja kolektive dhe paga minimale. Ai na pyeti se pse s’po zbatohet ligji dhe marrëveshje kolektive a . Sa i përket pagës minimale e lusim kryeministrin mos e mbani në qafë një kategori që marrin 130 euro edhe këta duan ta kenë jetën e vet ashtu siç e ka kryeministri dhe fëmijët e tij. Nënshkruaje pagën minimale se i morët në qafë punëtorët e sektori privat. Me rritjen e pagës minimale nga 170 në 250 buxheti do të rritet. Iu lusim që të mos luani me djersën e punëtorëve dhe nuk e di çka mund t’iu thotë nesër kryeministri punëtorëve te sektorit privat se çfarë ka bërë për ta. Ne i gëzohemi rritjes se pagave në sektorin publik por Kosova është vendi i fundit me pagën minimale. Qëllimisht kryeministri po e vonon nënshkrimin e pagës”, ka thënë Azemi.

Azemi ka ngritur edhe shqetësimin për numrin  madh të vdekjeve të punëtorëve në vendet e punës

” Shpreh shqetësim me vdekjen e punëtorëve në sektorin privat. Iu lusim kthjelluni mendjen dhe mendoni për sektorin privat sepse kjo gjendje është e rëndë. Bashkëpunim i shtetit me kompanitë e papërgjegjshme. Kompania ‘Estemed’ ku punëtorët kanë deklaruar për gjendjen e rënde punojnë pa kontrata pune, ku 7 punëtorë janë larguar. Kjo kompani nuk kemi gjetur punëtorë që ka kontratë pune dhe as që paguan kontribut për shtetin. Kemi raste kur kompanitë private nuk paguajnë Trustin Pensional. I kemi dhënë ATK-së  kompanitë me emër dhe mbiemër dhe ende s’ka nis asgjë”, ka thënë  Azemi./INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-