Avokati thotë se prindërit e Marigona Osmanit janë larguar nga Kosova për shkaqe sigurie
Autori: Gazeta inFokus 13:33 | 30 May 2024
Valdete dhe Muhabi Osmani prindërit e të ndjerës, Marigona Osmani janë duke qëndruar jashtë Kosovës për shkaqe sigurie. Pas nisjes së rigjykimit ndaj të akuzuarve Dardan Krivaqës e Arbër Sejdiut, me 24 maj, prindërit e Marigonës po ndihen të rrezikuar në Kosovë. Për këtë arsye ata janë zhvendosur përkohësisht jashtë shtetit deri të përfundon procesi gjyqsor.
Të premten e 24 majit në Gjykatën Themelore në Ferizaj është mbajtur seanca e rigjykimit ku të akuzuarit Dardan Krivaqa dhe Arbër Sejdiu janë deklaruar të pafajshëm për dhunimin dhe vrasjen e Marigona Osmanit.
Në këtë seancë, Avokati i Dardan Krivaqës, Skender Musa ka kërkuar të bëhet zbatimi psikiatrik i të akuzuarit Krivaqa dhe atë; para kryerjes së veprës penale, duke përfshirë periudhën qysh nga klasa e 5-të fillore, kohën e qëndrimit të tij në paraburgim, në Qendrën e Paraburgimit për të Mitur dhe kohën e kaluar në Burgun e Dubravës.
Kërkesa e tij ende nuk është miratuar nga trupi gjykues.
Avokati i familjes Osmani, Gazmend Rexhepi tha për Insajderin se e sheh si të panevojshme pasi ndaj të akuzuarit janë kryer ekzaminimet psikiatrike e psikologjike më herët.
“Është krejtësisht e panevojshme, aty është bërë një ekspertizë, është bërë ekspertizë psikiatrike e psikologjike e të gjitha. 21 ditë i pandehuri ka qendru në Institutin e Faranikes dhe Psikiatrisë. I janë kryer të gjitha analizat. Këto janë tendenca për me zvarrit procedurën dhe ka për qëllim kinse atë (Krivaqen) mos me e qitë mirë a realisht çdo tendencë e tillë është për me ju shmang burgimit të përjetshëm”, tha ai.
Sipas avokatit Rexhepi, kërkesa e mbrojtjes është tendencë për t’iu shmang burgimit të përjetshëm.
“Personi 133 herë është ballafaqu me drejtësinë dhe çdo herë ka dal mirë në aspektin psikiatrik e qetash s’koka mirë. Kjo është një tendencë e mbrojtjes dhe të akuzuar vetëm për t’ju shmangur burgimit të përjetshëm”, deklaroi ai .
Tutje, avokati konfirmoi po ashtu se edhe prindërit e Marigonës ndodhen jashtë shtetit për shkaqe sigurie.
Ai, thotë se pasi rasti është kryer në rigjykim, prindërit po ndihen shumë të pasigurtë.
“Rasti që është kryer në rigjykim, prindërit janë duke e ni vetën shumë të pasigurtë me ardh këtu në Kosovë. Po ndihen të pasigurrë për shkak se kanë dyshimet e veta me u kthy. Ata kanë pas kanosje edhe pas kryerjes së aktit që e kanë pas dhe kanë dyshime” tha tutje ai.
Ndryshe, Gjykata Themelore e Ferizajt më 4 gusht 2023 e ka dënuar me burgim të përjetshëm Dardan Krivaqën për vrasje e Marigona Osmanit. Ndërsa ishte liruar nga akuza për dhunim. Arbër Sejdiu ishte dënuar me 15 vite burgim për ndihmë në vrasjen e rëndë në bashkëkryerje. Sejdiu ishte liruar nga vepra penale e ndihmës në dhunim.
Por, Gjykata e Apelit me aprovimin e ankesës së Prokurorisë Themelore në Ferizaj dhe mbrojtjes së dy të akuzuarve, e ka kthyer çështjen në rigjykim.
18 vjeçarja Marigona Osmani u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt.
Të tjera
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...
-
Hamza: Do ta jap maksimumin që PDK të ketë rol kryesor për krijimin e Qeverisë – për koalicion preferojmë partitë në opozitë
Kandidati për kryeministër i PDK’së, Bedri Hamza i është përgjigjur pyetjes s...
-
Osmani flet nga New Yorku: Mora konfirmim të fuqishëm nga presidenti Biden se do të jetë përkrah Kosovës
Presidentja e Kosovës Vjosa Osmani ka folur për rëndësinë e koordinimit dhe b...
-
Kurti takohen me Nënsekretarin e UNDP-së, i tregon për projektet zhvillimore në veri
Kryeministri i vendit, Albin Kurti, është takuar me nënsekretarin e Përgjiths...
-
Parashikimi i motit për të premten
Për të premten parashikohet të mbajë mot me diell dhe shumë i ngrohtë. Era...
-
“Me 9 shkurt e sheh a kena keqkuptu a jo”, Tomë Gashi debaton me Zana Avdiun e Blerim Latifin për sjelljen e qeverisë me aleatët
Blerim Latifi, profesor universitar ka thënë se problem i Kosovës tashmë ësht...
-
“Shqetësuese, kryeministri nuk hyn në Shtëpinë e Bardhë, e ka të ndalume”, Latifi i drejtohet deputetit të Vetëvendosjes
“Ku na çon përplasja me Amerikën”, është tema që të enjten po diskutohet në “...
-
Hamza për deklaratën e Hovenier: Për keqardhje që hisedarët më të mëdhenj të Kosovës i kemi sjell në situatë të tillë
Kandidati për kryeministër nga radhët e PDK’së, Bedri Hamza ka komentuar dekl...
-
“Ka ambasadorë qe s’i njeh as lagjja e vetë edhe gjyshi jem ka thanë me i rujt trojet tona”
Avokati Tomë Gashi tha se gjuhën që e ka përdorë ish-ambasadorja Jacobson dhe...
-
Hamza: Për Kosovën të gjithë me u bo bashkë nuk jemi boll, Serbia e Vuçiqi janë problemi
Kandidati i PDK-së për kryeministër, Bedri Hamza, ka thënë se në tema naciona...
-
“Një letër që ka qenë kërcënuese”, Kusari-Lila flet për bisedën me Milan Radoiçiqin
Shefja e Grupit Parlamentar të Vetëvendosjes, Mimoza Kusari-Lila, është pyetu...