Lajme

Avokati Smakiqi: Hasan Dakaj deklaroi para prokurorit serb se e kanë ngatërruar me dikë tjetër

Autori: Gazeta inFokus 18:26 | 08 January 2024

Ish-ushtarit të Ushtrisë Çlirimtare të Kosovës, Hasan Dakaj, i cili është arrestuar nga autoritetet serbe të premten në pikën kufitare në Merdarë, i është caktuar masa e paraburgimit prej një muaj në Serbi.

Në lidhje me këtë ka folur avokati i angazhuar nga familja, Xhevdet Smakiqi, i cili theksoi se Hasan Dakaj para prokurorisë serbe ka thënë që e kanë ngatërruar me dikë tjetër.

“Sipas deklarimit të Hasan Dakajt para prokurorit serb, ai ndjehet i pafajshëm dhe e kanë ngatërruar atë me identitet me dikë tjetër. Sipas familjarëve ai fare nuk ka operuar në ato lokacione për të cilat pretendon Prokuroria e Serbisë”, ka thënë Smakiqi në një lidhje direkte në Info Magazine në Klan Kosova.

-Advertisement-

Përndryshe, të dielën, Smakiqi deklaroi se Dakaj është dërguar nga Qendra e Ndalimit në Kurshumli në Qendrën Kryesore të Paraburgimit në Beograd në rrugën Baçvanska.

Subscribe në YouTube: GAZETA INFOKUSI
Etiketa:
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

lajme