Avokati Koci për kërcënimet ndaj ambasadorit Gashi: Mos ia nxjerrni fundin
Autori: Gazeta inFokus 20:18 | 20 October 2020
Avokati Arianit Koci, ka reaguar pas kërcënimeve të bëra ambasadorit të Kosovës në Francë, Qëndrim Gashi, i cili shpërndau një artikull të një gazete prestigjioze franceze “Le Figaro”, ku si fotografi ilustruese ishin përdorur karikaturat e revistës Charlie Hebdo.
Në një postim në Facebook, Koci ka thënë se Kosova duhet të tregohet solidare më lirinë e shprehjes, e jo të struket nën dominimin e islamit politik.
Tutje Koci ka theksuar se s’ka asnjë element për thyerje ligji me shpërndarjen e një artikulli të Le Figaro.
” Cilin ligj? Ne Francë që është shtet i së drejtes, pikërisht publikimi i karikaturave ka qenë vlerësuar nga gjykata si i ligjshem, e lëre më ilustrimi me karikatura në lajme të tjera relevante. Dmth, s’ka asnjë element për thyerje ligji me shpërndarjen e një artikulli të Le Figaro”, ka shkruar mes tjerash Koci.
Postimi i plotë:
1. A e ka fyer komunitetin mysliman?
Ambasadori Qëndrim Gashi e ka shperndarë një artikull të Le Figaro e cila është një prej dy gazetave kryesore në Francë. Artikulli ka qenë për ngjarjen e prerjes së kokës së mësimdhenesit të Historisë dhe si ilustrim kanë qenë edhe dy karikaturat e famshme. Asnjë person nuk ka reaguar në France ndaj këtij artikulli, edhe pse, në Francë ka me shumë myslimanë se në krejt Ballkanin. Në fakt, artikulli ka qenë informativ e jo tribunë-opinion.
A po dëshiron BIK-u t’i censurojë mediet franceze?
2. A e ka thyer ligjin?
Cilin ligj? Ne Francë që është shtet i së drejtes, pikërisht publikimi i karikaturave ka qenë vlerësuar nga gjykata si i ligjshem, e lëre më ilustrimi me karikatura në lajme të tjera relevante. Dmth, s’ka asnjë element për thyerje ligji me shpërndarjen e një artikulli të Le Figaro.
3. I ka shperndarë karikaturat?
Sa për nxitje debati, edhe në Kosove ka gazeta që në artikullin për reagimin e BIK-ut i kanë pasur të njejtat karikatura si ilustrim. Por askush s’po thotë se mediet në Kosovë e kane fyer komunitetin mysliman. Ambasadori e ka shperndarë artikullin e Le Figaro ku janë edhe karikaturat.
4. Nxitja e urrejtes?
Sot është arrestuar të pakten një person e ka të tjerë te dyshuar për kërcënime me jetë ndaj Ambasadorit. Të gjitha kërcënimet me vdekje filluan pas publikimit të deklaratës së BIK-ut në orën 15:00 dje. A nuk do duhej që BIK-u të nxiste paqe e dialog, e jo dhunë e kërcënime?
5. Konteksti?
Sot i kerkojmë Evropes të na njeh, por në fakt, jemi Ne, ata që duhet ta njohim Evropën. Para më shumë se 115 vitesh në France, jane bërë beteja që të mund të përdhoset kryqi e të urinohet mbi të si liri e shprehjes, edhe pse shumica janë të krishterë. Sot nuk lejohet që cilado fe të dominojë mbi lirinë e shprehjes.
Vitin e kaluar, Ambasasori e organizoi një koncert të Filharmonisë së Kosovës në Paris në Kishën kryesore të Ushtrisë franceze dhe pati reagime nga qarqe ekstremiste për thirrjen e ezanit në Kishë. Por ai s’e censuroi një veper arti. Mos prisni nga ai ta censurojë një artikull të një gazete prestigjioze franceze.
Heqja e kokës së mësimdhenesit të Historisë, e ka tronditur gjithë opinionin në Francë. Pikërisht dje u debua një person nga Franca, i dyshur për lidhjet e tij me islamin radikal. Ai u debua si pjesë e aksionit të MPB-së së Francës pas sulmit të së premtës.
6.
Kosova duhet të tregohet solidare më lirinë e shprehjes, e jo të struket nën dominimin e islamit politik.
Mund të jemi te gjithë myslimanë, të krishterë, jevrej, ateistë a çkado tjetër, por si shoqëri, para së gjithash, duhet ta përjashtojmë dhunën si formë e argumentimit.
P.S. Mos ia nxjerrni fundin. Edhe pse, si fëmijë i martesës së përzier në aspektin fetar, gjithë jeta më ka shkuar duke ma sharë dhe duke bërë hajgare me Krishtin.
Asnjëherë nuk jam hidhëruar – për shkak se për mua liria e shprehjës dhe liria e mendimit është mbi të gjitha.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...