vokati i Popullit i ka refuzuar ankesën e ish-kryetares së Komisionit Qendror të Zgjedhjeve Valdete Daka, për vendimin e Presidentes Vjosa Osmani, që të ndërprej mandatit e saj si kryesuese e KQZ-së, shkruan Gazeta Infokus.

Siç bëhet e ditur nga njoftimi, Avokati i Popullit ka thënë se znj. Daka, nuk ka ofruar dëshmi që ka përdorur mjetet juridike kundër Vendimit të Presidentes.

“Avokati i Popullit i ka refuzuar ankesën ish-kryetares së Komisionit Qendror të Zgjedhjeve, Valdete Daka, pasi që Avokati i Popullit ka gjetur se znj. Daka, nuk ka ofruar dëshmi se ka shteruar, apo që së paku ka përdorur mjetet juridike kundër Vendimit të Presidentes”, thuhet në njoftim.

-Advertisement-

Siç bëhet e ditur nga njoftimi, Avokati i Popullit vëren se Kushtetuta e Kosovës e përcakton kompetencën e Presidentes për të emëruar Kryetarin e KQZ-së, ndërsa e njëjta mbetet e heshtur sa i përket shkarkimit apo edhe ndërprerjes së mandatit të tij/saj.

“Avokati i Popullit është bazuar në praktikën e Gjykatës Kushtetuese (Aktvendimi për Papranueshmëri në Rastin Nr. KI142/13, i datës 18 nëntor 2013, parashtrues Fadil Maloku, lidhur me Kërkesën për vlerësimin e kushtetutshmërisë së Vendimit të Presidentes së Republikës së Kosovës, Nr.686-2013, të 6 shtatorit 2013), sipas të cilës gjykata ka vlerësuar se ekzistojnë mjetet efektive juridike, të cilat duhet të shterohen para se çështja të ngritët në Gjykatën Kushtetuese. Për më tepër, Ligji për Avokatin e Popullit, neni 22, paragrafi 1, nën-paragrafi 4 përcakton se Avokati i Popullit refuzon kërkesat kur të gjitha mjetet juridike të rregullta dhe të jashtëzakonshme nuk janë shteruar. Në rastin konkret znj. Daka nuk i ka shfrytëzuar mjetet juridike, prandaj Avokati i Popullit ka vendosur që kërkesa të refuzohet, pa paragjykuar nëse Vendimi i Presidentes për ndërprerjen e mandatit të saj është i drejtë dhe në pajtim me ligjin”, thuhet në njoftim./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-