Lajme

Avokati i familjes së Lulzim Fejzullahut: Të miturit që akuzohen për vra*jen e tij mund të dënohen maksimalisht 10 vite burgim

Autori: Gazeta inFokus 17:43 | 11 April 2024

Avokati i familjes së Lulzim Fejzullahit, 18-vjeçarit që u rrah për vdekje në Podujevë, Tomë Gashi i ftuar në emisionin “Frontal” në T7 ka folur për seancën gjyqësore ndaj dy të dyshuarve të akuzuar për veprën penale “Vrasje e rëndë”.

Ai ka deklaruar se gjatë këtij muaji pritet që shkalla e parë të dal me një vendim rreth këtij rasti, ku të dyshuarit janë të mitur, ndërsa ka shprehur habinë e tij se pse ka pasur neglizhencë ndaj njërit prej të miturve i cili regjistron disa vepra penale në organet e drejtësisë.

“Së paku njëri prej tyre ka pasur me dhjetra vepra të rënda penale, gjatë fazës së hetimit që i ka kryer prokurori i rastit, unë kam kërkuar që të hetohet zingjiri i atyre që kanë mundësuar që ky i mitur të jetë në liri e jo në burg. Ka pasur inqizime për një rast tjetër tejet të rëndë, por që edhe ky rast ishte lënë në hije”, ka deklaruar Gashi.

-Advertisement-

Avokati ka kërkuar që të ndryshohet edhe pesha e dënimit maksimal që mund të rëndojë momentalisht për të miturit të cilët kryejnë vepra të rënda penale.

“Kur kemi të bëjmë me të mitur, dënimi maksimal që mund t’i shqiptohet dikujt është 10 vite. Duke pas parasysh zhvillimin e të miturve, dënimet duhet të jenë më të ashpra, ka edhe raste që fëmijët janë të shtytur për të kryer këso vepra të rënda penale”, është shprehur ai.

Subscribe në YouTube: GAZETA INFOKUSI