Lajme

Avokati Arianit Koci: Gazetari Halil Berisha mbrojti gazetarinë, të vërtetën, UÇK-në e mbi të gjitha dëshmoi për krimet kundër shqiptarëve

Autori: Islam Morina 19:32 | 27 October 2021

Avokati mbrojtës i gazetarit Halil Berisha, Arianit Koci, në një prononcim të shkurtër për gazetën Infokus, ka treguar se si ka shkuar i tërë procesi në dëshminë e gazetarit Berisha, gjatë dy ditëve të dëshmisë në Hagë.

Avokati Koci ka thënë se gazetari Berisha përveç që ka mbrojtur gazetarinë, të vërtetën, drejtësinë e UÇK-në, mbi të gjitha ai ka dëshmuar edhe për krimet që kriminelët serbë i kanë kryer kundër shqiptarëve.

“Çdo gjë ka shkuar mirë. Gazetari Halil Berisha, e ka mbrojtur gazetarinë, e ka mbrojtur të vërtetën, e ka mbrojtur drejtësinë dhe UÇK-në, e mbi të gjitha ka dëshmuar në Hagë, për krimet që kriminelët serbë i kanë kryer kundër shqiptarëve”, ka thënë për Infokusin avokati Arianit Koci.

Kujtojmë se gazetari Halil Berisha, ka përfunduar dëshminë e tij dy ditore në Hagë dhe se ai nuk ka dëshmuar atje kundër luftës, UÇK-së, apo kundër krerëve të OVL-UÇK-së, por thjeshtë ishte i detyruar të dëshmojë atje si gazetar që mori pjesë në konferencën për media të organizuar nga OVL-UÇK-ja, ku u bënë publike dosjet e Gjykatës Speciale. /Gazeta Infokus/

Të tjera