Lajme

Avokatët e të akuzuarve në rastin e Ivanoviqit të bindur në pafajësinë e klientëve të tyre

Autori: Gazeta inFokus 14:32 | 22 November 2021

Derisa po dëgjohen dëshmitarët e parë të procesit gjyqësor ndaj të akuzuarve në lidhje me vrasjen e politikanit serb të Kosovës, Oliver Ivanoviq, avokati i të akuzuarit, Rade Basara, Tomë Gashi ka thënë se deri më tani s’ka asgjë konkrete që do t’i ndihmonte trupit gjykues për marrjen e një vendimi të ligjshëm dhe të drejtë.

Në periudhën e pauzës, para Gjykatës Themelore në Prishtinë, Gashi tha se në momentin e vrasjes së Ivanoviq, klienti i tij nuk ka qenë në Kosovë.

“Deri tani nuk ka asgjë konkrete që do t’i ndihmonte gjyqtarit për të sjellë një vendim të ligjshëm dhe të drejtë. Për neve avokatët brengë është mbajtja në paraburgim e klientëve tanë për më shumë se dy vjet, por gjykata ka konsideruar se kjo është e nevojshme. Pasi një pjesë e tyre kanë shtetësi të dyfishtë përveç të Kosovës dhe sipas tyre nëse mbrohen në liri do të jetë e vështirë qasja e tyre në seancë gjyqësore…Gjykata ka lejuar që ajo t’i sheh të gjithë dhe të akuzuarit, por se ka identifikuar asnjë prej tyre. Sa i përket klientit tim, ai në ditën e vrasjes si polic i Kosovës nuk ka qenë në Kosovë”, tha ai.

-Advertisement-

Ndërsa, Musa Damati, avokat i të akuzuarës, Silvana Arsoviq, tha se në 12 mijë faqe material për këtë çështje, s’ka prova që e përfshijnë klienten e tij.

“Në këtë proces ligjor i kemi më shumë se 12 mijë faqe material në këtë çështje. Në asnjërën prej tyre nuk ka prova që direkt apo indirekt mund të indirekt e përfshijnë klienten time. Në fund të këtij procesi do të dëshmojmë pafajësinë e saj të plotë” tha ai.

Në Gjykatën Themelore në Prishtinë pas pak pritet ta vazhdojë dëshminë e saj, ish-bashkëpunëtorja e afërt, Ivanoviq, Ksenja Bozhoviq.

Subscribe në YouTube: GAZETA INFOKUSI
Etiketa:

Të tjera

Fokusi

lajme