Avionë bombardues mbi Kore. Trump: Kina, vetëm fjalë
Autori: Gazeta inFokus 13:18 | 30 July 2017
Shtetet e Bashkuara kanë ngritur në fluturim dy avionë bombardues “B-1B” mbi gadishullin korean, në atë që konsiderohet si shfaqje force pas testeve raketore të Koresë së Veriut. Lajmi njoftohet nga vet Forcat Ajrore amerikane, përmes një deklarate të publikuar këtë të dielë.
Koreja e Veriut njoftoi më herët se kishte zhvilluar me sukses një tjetër test të një rakete balistike ndërkontinentale (ICBM) ditën e premte, që kishte provuar sipas shtetit komunist aftësitë e tij për të goditur tokën amerikane, duke shkaktuar edhe një reagim të egër paralajmërues nga presidenti amerikan, Donald Trump.
Fluturimi i avionëve “B-1B” i zhvilluar të shtunën ishte një kundërpërgjigje e drejtpërdrejtë e testeve raketore, si dhe e lëshimit më 3 korrik të raketës “Hwansong 14”, thuhet në deklaratën amerikane. Bombarduesit u ngritën nga baza amerikane në Guam, e më pas me to u bashkuan edhe avionë luftarakë japonezë dhe koreano-jugorë.
“Koreja e Veriut mbetet ende kërcënimi më urgjent ndaj stabilitetit në rajon”, thekson në deklaratë komandanti i Forcave Ajrore të Paqësorit, gjenerali Terrence J. O’Shaughnessy. “Nëse do të jetë e nevojshme, ne jemi të gatshëm të përgjigjemi me një forcë të shpejtë, vdekjeprurëse dhe dominuese, në kohën dhe vendin që do ta zgjedhim vet ne”.
Shtetet e Bashkuara kanë ngritur edhe në të kaluarën në fluturim avionët bombardues supersonikë “B1-B Lancer”, si shenjë force dhe kundërpërgjigje ndaj testeve raketore dhe bërthamore të Koresë së Veriut.
Nga ana tjetër thuhet se, vet udhëheqësi i shtetit të izoluar komunist, Kim Jong-un e ka mbikëqyrur personalisht testin raketor të mesnatës së të premtes, duke theksuar se ai ishte një “paralajmërim” për Shtetet e Bashkuara, se nuk do të jetë e sigurtë nga shkatërrimi nëse përpiqet të sulmojë Penianin. Ky paralajmërim është dhënë përmes agjencisë zyrtare të lajmeve “KCNA”.
Kina, aleati kryesor i Veriut komunist, tha se e kundërshtonte lëshimin e raketës që shkelte rezolutat e Këshillit të Sigurimit të Kombeve të Bashkuara, të cilat janë miratuar për të kufizuar programet bërthamore dhe raketore të Penianit.
“Në të njëjtën kohë, Kina shpreson që të gjitha palët të veprojnë me kujdes, për të shmangur tensionet nga përshkallëzimi i vazhdueshëm”, shkruhej në deklaratën e Ministrisë së Jashtme kineze, të së shtunës.
Gjithsesi, Trump tha se “ishte tejet i zhgënjyer nga Kina”. Në mesazhin e tij në “Twitter”, presidenti amerikan shkruante se, “ish-udhëheqësit tanë budallenj u kanë lejuar atyre të bëjnë qindra miliardë dollarë tregti në vit”. “Ata nuk bëjnë asgjë për ne me Korenë e Veriut, vetëm flasin. Ne nuk do të lejojmë më që kjo gjë të vazhdojë kështu. Kina mund ta zgjidhte shumë lehtë këtë problem”, shkruante Trump.
Të tjera
-
Itali/ Shembet rruga në Romë, gropa e madhe “përpin” 2 makina të parkuara (Pamje)
Diçka e pazakontë ndodhi në orët e para të 28 marsit në Romë të Italisë ku nj...
-
Tërmet i fortë në Itali, alarm edhe në Slloveni e Kroaci
EMSC njoftoi se të mërkurën në mbrëmje, rreth orës 22:19, veriu i Italisë u g...
-
BQK: Dërgesat e mërgatës deri në shkurt arritën në mbi 174 milionë euro
Rreth 88 milionë euro është vlera preliminare e dërgesave të mërgatës që janë...
-
Rritet numri i turistëve të huaj që vizitojnë Kosovën
Numri i turistëve të huaj që vizitojnë Kosovën është duke u rritur dita ditës...
-
Abdixhiku për tenderët njëburimor: Prokuroria Speciale duhet ta bëjë punën e vet, mosveprimi është aprovim i kësaj praktike
Kryetari i LDK’së, Lumir Abdixhiku, ka thënë se një kompani ka marrë tender s...
-
AMMK: Kosova në gjendje të rënduar të cilësisë së ajrit për shkak të pluhurit të Saharës
Agjencioni për Mbrojtjen e Mjedisit të Kosovës, ka dalë me një sqarim mbi sit...
-
“Turp”, Haki Abazi ankohet se që tri vjet s’ka mikrofon në Kuvend
Deputeti Haki Abazi është ankuar për mungesën e mikrofonave sot në Kuvendin e...
-
“Kryerrenc”, “derri dhe qingji”- deputeti i PDK’së i ashpër me Kurtin dhe deputetët e VV’së
Deputeti i PDK-së në Kuvendin e Kosovës, Ardian Kastrati, në seancën e jashtë...
-
“Dimal Basha, ulu!”, Konjufca i reagon deputetit të Vetëvendosjes që e pengoi deputeten e LDK-së në foltore
Derisa në foltoren e Kuvendit të Kosovës po fliste deputetja e LDK-së, Doarsa...
-
Humb jetën tragjikisht në vend të punës kosovari në Itali
Një ngjarje e rëndë ka ndodhur në Itali, ku një person nga Kosova ka humbur j...
-
E quan ish anëtare të partisë, Manxhuka i reagon Von Cramon për akuzat se po kufizojnë lirinë e shprehjes
Zëdhënësi i Lëvizjes Vetëvendosje, Arlind Manxhuka, i ka reaguar Raportueses ...
-
“Vajzat e gratë në hapësirat e UP-së nuk janë të sigurta”, vendosen jastëk para Rektoratit të UP’së
Organizata “QIKA” ka vendosur disa jastëk para Rektoratit të Universitetit të...