Lajme

Avdullah Hoti tregon se si e mori lajmin për shkarkimin e tij

Autori: Gazeta inFokus 21:13 | 26 March 2020

Ish-zëvendëskryeministri i Kosovës, Avdullah Hoti, ka thënë se militantët e VV’së po vazhdojnë fushatën e tyre nëpër rrjete sociale kundër subjektit të cilit ai i takon.

‘’Deri dje ishim të mirë për ta, ishim shpresa, ndërsa sot duket se u bëmë të këqinj’’, thotë ai.

‘’Ka filluar një fushatë e lincimit e fyerjeve që nuk është e shëndetshme. Duhet që kjo shoqëri të organizohet dhe të largojë këto fushata të një lëvizje e cila nuk është e shëndoshë. Nuk jemi të kërcënuar, por të intimiduar po. Dihet qartë se të kujt janë militantët. Mocioni nuk ka kaluar vetëm me votat e LDK’së. Ishin 82 vota. E kemi parë qasjen e kryeministrit dhe aty morrëm vendim që të bjerë qeveria’’

-Advertisement-

Tutje ai tregon se si e mori lajmin për shkarkimin e tij nga detyra paspërfundimit të seancës së Kuvendit.

‘’Nuk kemi kontaktuar fare. Pasi ka mbaruar seanca e kuvendit jemi shpërndarë. Kam parë njoftimet nëpër medie dhe më pas e mora një email. Nuk e di arsyen pse jam shkarkuar. Me Kurtin jam takuar disa here dhe nuk kemi pasur kurrë mosmarrëveshje përvec taksës’’, ka thënë Hoti në T7.

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera