Lajme

Avdullah Hoti tregon katër veprime që e zbusin krizën në Kosovë

Autori: Gazeta inFokus 11:21 | 02 October 2022

Ish-kryeministri i Kosovës, Avdullah Hoti ka thënë se janë katër hapa të cilët do të mund të zbusnin krizën në Kosovë, shkruan Gazeta Infokus.

Ai përmes një postimi në “Facebook”, ka thënë se këto veprime i mungojnë vendit që nga muaji mars.

“Për të ndihmuar qytetarët në përballje me inflacionin, Gjermania ka vendosur të ulë Tatimin në Vlerën e Shtuar në gaz dhe nxemje nga 19% në 7% duke filluar nga 1 tetor 2022 deri në prill 2024.  Në rastin e Kosovës, janë këto veprime që e zbusin krizën, por që po mungojnë nga muaji mars:

-Advertisement-

1.Indeksimi i pagave, subvencioneve në bujqësi, pensioneve dhe ndihmave sociale me normën e inflacionit,

2.Rritja e pagës minimale në sektorin privat,

3.Ulja e TVSH nga 18% në 8% për naftë dhe për disa produkte ushqimore që ende janë me 18% TVSH,

4.Pezullimi i përkohshëm i akcizës në naftë”, ka shkruar Hoti në Facebook.

Ndryshe ai shtoi se kjo qeveri jo vetëm që nuk po ul tatimet, por po e zvogëlon qarkullimin në ekonomi edhe duke mos implementuar qindra miliona euro investime kapitale.

“Sikur të ishin futur në ekonomi qindra miliona euro përmes projekteve kapitale, krahas uljes së tatimeve, do të rritej kërkesa agregate dhe do të parandalohej thellimi i krizës.  Të gjitha këto masa nuk paraqesin problem për deficitin buxhetor, pasi bilanci bankar i Qeverisë është rekord i lartë. Këto veprime mund të merren menjëherë dhe jam i sigurt se e kanë mbështetjen e të gjitha palëve”, ka shtuar Hoti./Gazeta Infokus/

Subscribe në YouTube: GAZETA INFOKUSI
Etiketa:
Ku mos mu HUTU me BLACK FRIDAY Artmotion
-Advertisement-

Të tjera

Fokusi

lajme