Kryeministri Avdullah Hoti nuk di asgjë për emërimin e djalit të Haxhi Shalës, Flakron Shala në pozitën e konsullit në Pragë.

Kështu ka thënë Hoti përmes një postimi në llogarinë e tij, në facebook, shkruan Gazeta Infokus.

Sipas kryeministrit një emërimi i tillë është bërë pa koordinimin e tij.

“Për emërimin e Konsullit të Përgjithshëm të Republikës Kosovës në Pragë të Çekisë, jam njoftuar nga mediat. Ky emërim nuk është koordinuar me mua. Qeveria është në proces të analizimit dhe rishikimit funksional të rrjetit të misioneve diplomatike. Pas kësaj analize do të ndërmerren të gjitha veprimet e nevojshme për të siguruar funksionim efikas të misioneve diplomatike dhe do të sigurohemi që përbërja e këtyre misioneve të jetë në përputhje me ligjin”, ka shrkuar Hoti./Gazeta Infokus/