Lajme

Avdullah Hoti telefonon Vjosa Osmanin

Autori: Gazeta inFokus 13:55 | 25 November 2020

Kryeministri i Kosovës, Avdullah Hoti ka zhvilluar një bisedë telefonike me presidenten në detyrë, Vjosa Osmani ku edhe i ka uruar shërim të shpejtë pas infektimit me Covid-19, shkruan Gazeta inFokus.

Këtë e ka bërë të ditur Hoti përmes një postimi në Facebook ku ka thënë se me të bisedoi edhe për çështjen e misioneve diplomatike të Kosovës.

Tutje Hoti thotë se së shpejti do të përmbyllet analiza e rishikimit funksional të rrjetit të misioneve diplomatike e mbi bazën e secilës do të sigurohet funksionimi efikas i misioneve që përbërja e misioneve diplomatike të jetë në përputhje me ligjin.

“Sot, në një bisedë telefonike, i kam uruar shërim të shpejtë Kryetares së Kuvendit dhe ushtrues së detyrës së Presidentes, Vjosa Osmani. E njoftova Osmanin se Qeveria e Republikës së Kosovës do të përmbyllë së shpejti analizën e rishikimit funksional të rrjetit të misioneve diplomatike të Kosovës. Mbi bazën e kësaj analize, do të ndërmerren të gjitha veprimet e nevojshme: (1) për të siguruar funksionim efikas të misioneve diplomatike të Republikës së Kosovës; dhe (2) përbërja e misioneve diplomatike të jetë në përputhje me ligjin”, ka shkruar Hoti./Gazeta inFokus/

Të tjera