Patën fatin të kompensohen.

Madje disa nga fermerët kosovarë morën dyfishin e shumës që parashihet në rast të ngordhjes së gjedheve nga sëmundja gungore e lëkurës

Sipas të gjeturave të Auditorit thuhet se në raportin e Agjencisë së Ushqimit dhe Veterinarisë janë hasur parregullsi ku ishin dyfishuar pagesat ndaj fermerëve. Në mesin e 46 raste të audituara, tri fermerë kanë marrë 2,400€ për gjedh, përderisa vlera e duhur për kompensim ishte 1,200€ për gjedh.

-Advertisement-

“AUV ka bërë zbatimin e këtij vendimi duke paguar fermerët në bazë të tri listave të aprovuara nga Komisioni për vlerësimin e dëmit të fermerëve. Nga 46 raste të audituara në vlerë prej 60,200€, në tri raste me vlerë prej 7,200€ kemi hasur në parregullsi ku ishin dyfishuar pagesat ndaj fermerëve. Fermerët janë kompensuar/paguar nga 2,400€ për gjedh, përderisa vlera e duhur për kompensim/pagesë ishte 1,200€ për gjedh”, thuhet në raportin e Auditorit, shkruan Gazeta Fokus.

Më tej në të gjeturat e Auditorit thuhet se kjo është pasojë e një gabimi e fermerëve u është kërkuar që ti kthejnë paratë brenda 30 ditëve

“Zyrtarët përgjegjës për këtë çështje, janë deklaruar se kjo ka ardhur si rezultat i gabimit nga ana e Komisionit të vlerësimit. Gjithashtu, pas pranimit të draftit, sipas zyrtarëve përgjegjës të AUV-it, kryeshefi i Agjencionit ka ndërmarrë masat përkatëse lidhur me këto raste duke nxjerrë disa vendime me të cilat obligon fermerët që në afat prej 30 ditësh t’i kthejnë mjetet e pranuara në buxhetin e AUV-it.”, thuhet në raportin e Auditorit.

Ky “gabim” sipas raportit të Auditorit rrit rrezikun për humbje të buxhetit.

“Realizimi i pagesave të tilla, përveç se është në kundërshtim me legjislacionin në fuqi, njëkohësisht e rrit rrezikun e humbjeve të buxhetit dhe mosrealizimit të objektivave të organizatës në përgjithësi. Gjithashtu kjo çështje mund të ndikoj në dëmtimin e reputacionit të Agjencionit të Veterinarisë dhe Ushqimit të Kosovës.”, thuhet në raport.

Me vendimin e Qeverisë së Kosovës të miratuar në nëntor të 2017-ës parashikohet kompensimi i fermerëve vendor për dëmin e pësuar me rastin e ngordhjes së kafshëve/gjedheve nga sëmundja gungore e lëkurës (LSD) gjatë vitit 2016, shkruan GazetaFokus.

E sipas këtij vendimi kompenizmi i fermerëve për krerë gjedhe/kafshë të ngordhura bëhet në bazë të vlerësimit të përcaktuar nga Komisioni i Agjencisë së Ushqimit dhe Veterinarisë të ndara sipas kategorive: lopët – 1,200€ për krerë, viçat – 500€ për krerë, dhe demat/mështjerrat – 800€ për krerë. /GazetaFokus.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-