Lajme

Autoriteti i Konkurrencës nis hetimet lidhur me abuzimin me çmime për remdesivir

Autori: Gazeta inFokus 22:29 | 20 November 2020

Kryetari i Autoritetit Kosovar të Konkurencës, Valon Prestreshi, ka njoftuar se ky institucion ka filluar hetimet kundër kompanive që kanë keqpërdoruar çmimin e barit remdesivir, i cili po shihet si medikament për trajtimin e Covid-19.

Prestreshi ka bërë me dije se për ndriçimin e rastit, do t’i ndërmarrë të gjitha hapat e nevojshëm. Ai një gjë të tillë e ka deklaruar përmes ‘Facebook’-ut të tij.

“Autoriteti Kosovar i Konkurrencës ka filluar hetimin preliminar për barin remdezivir pasi që është raportuar në media, se kompanitë të cilat kanë afaruar me këtë produkt kanë abuzuar me poziten e tyre dominuese, duke vendosur çmime të tepruara (excessive pricing)”, ka deklaruar ai.

Ilaçi i quajtur, Remdesivir, që besohet se zvogëlon kohën e shërimit të pacientëve nga koronavirusi, është miratuar për përdorim nga Sistemi Kombëtar i Shëndetësisë në Mbretërinë e Bashkuar.

Të tjera