Lajme

Autobusi përplaset me dyqanet (Foto)

Autori: Gazeta inFokus 09:44 | 10 August 2017

Një autobus është përplasur me dyqanet në një rrugë në Clapham, mëngjesin e sotëm.

Shoferi i autobusit është dërguar menjëherë në spital, ndërsa një numër pasagjerësh janë trajtuar në vendin e ngjarjes.

Ndërkohë një dëshmitar, Matthew Corner shkroi në “Twitter”: “Përplasja e autobusit në Lavender Hill duket e tmerrshme. Shpresoj që asnjë nuk është lënduar shumë. Shërbimet e emergjencës po bëjnë një punë të shkëlqyer”.

-Advertisement-

Ndërkohë policia është telefonuar pak para orës 07:00, ku u raportua se një autobus është përplasur me një ndërtesë në Lavender Hill, pranë stacionit të trenit Clapham Junction.

Në rrjetet sociale janë publikuar fotografi të aksidentit, ku shfaqet autobusi i përmbysur. Mediat britanike shkruajnë se në vendngjarje kanë mbërritur forcat zjarrfikëse, policia dhe ambulancat.

Shërbimet zjarrfikëse kanë shkruar në “Twitter”: “Dy zjarrfikëse dhe tre njësi shpëtimi të zjarrit janë në vendin ku ndodhi përplasja me një dyqan në Lavender Hill, Battersea”.

“Shmangni rrugën Lavender Hill #SW11. Autobusi është përplasur me ndërtesën”, shkruan policia.