Autoambulanca e Shtëpisë së Shëndetit në Graçanicë, me targa të Beogradit
![](https://gazetainfokus.com/wp-content/uploads/2023/06/Screenshot_6-6.png)
Autori: Gazeta inFokus
13:21 | 18 June 2023
Një aksident i vogël komunikacioni në rrugën Hajvali-Graçanicë, ka nxjerr një pah edhe një anomali tjetër në sistemin shtetëror të Kosovës.
Qytetari që ka shkaktuar aksident, është shndërruar në dëshmitar kur autoambulanca e thirrur nga policia, e nisur nga Shtëpia e Shëndetit në Graçanicë, është shfaqur në vendin e ngjarjes me targa të Beogradit.
Ngadhënjim Lajçi ka rrëfyer për RTKlive tërë situatën e cila ndodhi të dielën paradite në këtë rrugë, kur i vetëm në veturë, ka shkaktuar aksident të vogël trafiku duke e goditur nga prapa një automjet në lëvizje.
Ai tregon se në automjetin e aksidentuar kanë qenë një çift, shtetas të Kosovës të nacionalitetit serb.
Lajçi rrëfen se për 30 minuta sa kanë pritur policinë e stacionit policor në Graçanicë që të shkojnë në vendin e ngjarjes, biseda me qytetarët serbë ishte krejt normale dhe ata nuk kanë shfaqur asnjë shenjë lëndimi.
“Kur erdhi policia, që ishin një shqiptar e një serbe, policja serbe e largoi disa metra qytetarin serb dhe pas bisedës me të, ai filloi të ankohet se është i lënduar dhe e thirrën autoambulancën”, tregon Lajçi për RTKlive.
Ai e pranon se me policën është fjalosur pasi dyshon se e njëjta e ka nxitur qytetarin serb të ankohet padrejtësisht për lëndime, derisa sqaron se shpejtësia e automjetit në momentin e aksidentit ishte rreth 30 Kmh.
E derisa situata është qetësuar disi edhe me intervenimin e policit shqiptar, policja serbe, sipas Lajçit, ka insistuar në thirrjen e autoambulancës.
Kjo e fundit, kur ka shkuar në vendin e ngjarjes, ka shkaktuar një habi tjetër për qytetarin Lajçi.
“Autoambulanca kishte targa të Beogradit të mbuluara me stikersa. Jam ndjerë i ofenduar nga kjo gjë dhe kam filluar të bëj fotografi”, rrëfen ai për RTKLive.
“Në atë moment, policja serbe kërkoi nga unë që t’ia jap telefonin dhe t’i fshi fotografitë, veprim që nuk e kam pranuar dhe prapë kam pasur përplasje verbale me të”, shpjegon Lajçi.
Sipas tij, udhëzimet e policës serbe për qytetarin serb që pa asnjë lëndim ta thërrasë autoambulancën dhe ardhja e kësaj të fundit me targa të Beogradit, për të janë ofenduese, dhe kjo ka qenë arsyeja përse ai nuk ka pranuar të shkojë në stacionin policor në Graçanicë, të lajmërohet ashtu siç i ishte kërkuar nga patrulla e policisë.
Kontakti me Policinë e Kosovës të dielën për të konfirmuar këtë rast nuk ishte i mundur.
Ndërkohë, sistemi shëndetësor dhe ai arsimor në Kosovë, në komunat me shumicë serbe, funksionojnë tërësisht të veçantë nga sistemi shtetëror i Kosovës./RTK
![](https://gazetainfokus.com/wp-content/uploads/2023/10/WhatsApp-Image-2023-10-27-at-10.46.41.jpeg)
Të tjera
-
Trajkoviq: Vuçiq nuk heq dorë lehtë nga strukturat mafioze si Radoiçiq e Veselinoviq, i shërbejnë projekteve të tij personale
Në një situatë ku po vijnë shantazhe nga të gjitha anët, strategji e presiden...
-
Dronët rusë shkelin hapësirën ajrore të Rumanisë dhe Letonisë
Dy shtete, anëtare të NATO-s, thanë të dielën se dronët rusë shkelën hapësirë...
-
Këto janë vendet me rritjen më të lartë ekonomike në BE
Ekonomia e eurozonës dhe Bashkimit Evropian u rritën vetëm në mënyrë modeste ...
-
Disa të vdekur e të lënduar pas tri aksidenteve me aeroplanë të vegjël në Gjermani
Tre persona në Gjermani vdiqën në dy aksidente të veçanta avioni në shtetin e...
-
“SHOTA” fiton çmimin kryesor në Festivalin Ndërkombëtar të Folklorit në Spanjë
Ansambli Kombëtar “SHOTA” ka fituar çmimin kryesor në Festivalin Ndërkombëtar...
-
Zgjedhjet e nëntorit në SHBA! Garë e ngushtë mes republikanit Trump dhe demokrates Harris, ja çfarë tregon sondazhi i fundit
Në Shtetet e Bashkuara, kandidati republikan për president Donald Trump dhe r...
-
Moti sot, me diell dhe vranësira të shpërndara
Mbi vendin tonë sot do të mbajë mot me diell dhe vranësira të shpërndara. Vra...
-
Sot mblidhet Kryesia e Kuvendit, ky është rendi i ditës
Sot do të mblidhet kryesia e kuvendit, ku në rend dite janë katër pika. Në...
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...