Fun & Video

Australiania që tri herë u shpëtoi sulmeve të ISIS-it

Autori: Gazeta inFokus 16:01 | 18 August 2017

Një australiane i ka ikur vdekjes për herë të tretë me radhë pasi u ka shpëtuar sulmeve terroriste që kanë ndodhur në tri qytete të ndryshme europiane, në të cilat ajo rastësisht kishte qëlluar.

Julia Monaco, 26-vjeçare, nga Melbourne, ishte në një qendër tregtëare me një shoqe në momentin kur një furgon shkeli kalimtarët në Las Ramblas të Barcelonës gjatë ditës së enjte.

Kjo ishte hera e tretë që është përballur me terrorizmin prejse filloi udhëtimin nëpër Europë tre muaj më parë, derisa për televizionin 3AW ka thënë se sulmet nuk do ta ndalin që ajo të shëtisë qytetet europiane.

-Advertisement-

Në qershor ajo rastisi në metronë e Londrës kur terroristët sulmuan në Urën e Londrës, para se të thernin me thikë disa persona në Borough Market, transmeton Koha.net.

Pak ditë më vonë, ajo ishte në Notre Dame të Parisit kur një polic ishte therur me thikë para katedrales së famshme.

“Nuk dua të shkoj në shtëpi”, ka thënë ajo. “Dua të qëndroj këtu. Do të shoh atë që kam ardhur ta shoh këtu”.

Monaco dhe shoqet e saj Alana Reader dhe Julia Rocca, gjithashtu nga Melbourne, ishin në një dyqan të Placa de Catalyuna kur panë njerëzit duke vrapuar për të shpëtuar nga furgoni.

Subscribe në YouTube: GAZETA INFOKUSI
Etiketa:
Marsi sjell Magji në ETC

Të tjera