Auto&Tech

Audi mund t’i japë fund A5 Sportback

Autori: Gazeta inFokus 12:48 | 16 September 2019

Prodhuesi gjerman ka vendosur të zvogëlojë numrin dhe larminë e modeleve të tij.

Presidenti i Audi, Bram Shot tashmë ka njoftuar se qëllimi i tij është të zvogëlojë numrin e modeleve të ofruara nga ky prodhues, pasi ai beson se Audi është “e përfshirë në shumë projekte” dhe kjo duhet të ndryshojë.

Ai gjithashtu tha që Audi do të përqendrohet në modelet kryesore dhe ato që janë relevante nga pikëpamja e klientit.

-Advertisement-

Në këtë drejtim, tashmë është marrë një vendim që të ndërpresë një model – Audi TT, të zëvendësohet nga një “makinë elektrike me të njëjtën gamë çmimesh”.

Megjithatë, kjo nuk do të kënaqë presidentin e Audi, i cili, në një intervistë me Autocar, pyeti: “A kemi nevojë për një model Sportback përveç një sedani të rregullt nga e njëjta familje?”

Shot tha se kompania tashmë po konsideron një model specifik, por nuk zbuloi se cili automjet ishte. Sidoqoftë, tashmë spekulohet se Shot ka shumë të ngjarë t’i referohet Audi A5 Sportback, i cili mund të bjerë poshtë ofertës së prodhuesit gjerman pas gjeneratës aktuale.

Ndryshe, gjenerata e ardhshme e Audi A4 është planifikuar për 2022-2023, dhe A5 Coupe dhe A5 Sportback duhet të arrijnë pak më vonë, por fati i versionit Sportback është i pasigurt.