Lajme

Atifete Jahjaga në Amerikë, takon ish-sekretaren Hillary Clinton

Autori: Gazeta inFokus 21:14 | 09 May 2022

Ish-presidentja e vendit, Atifete Jahjaga, ka takuar ish-sekretaren amerikane të Shtetit, Hillary Clinton.

Kjo është bërë e ditur nga vetë Jahjaga, përmes një postimi në Facebook.

Jahjaga tha se me Clintonin kanë diskutuar për të arriturat dhe sfidat me të cilat po përballet Kosova, transmeton lajmi.net.

Atifete Jahjaga theksoi se pas tërë këtyre viteve, miqësia me SHBA-të vazhdon të jetë e fortë dhe simbol i miqësisë së pathyeshme.

Postimi i plotë:

Sot pata nderin ta takoj miken tonë të madhe, ish Sekretaren amerikane të Shtetit Hillary Clinton në Neë York. Gjatë takimit tonë diskutuam për të arriturat dhe sfidat me të cilat po përballemi në Kosovë dhe rajon.

Gjithmonë falënderuese për rolin kyç që sekretarja Clinton dhe administratat amerikane e kanë luajtur për të sjellë paqe në Kosovë dhe për të na ndihmuar në shtet ndërtimin tonë.

Pas tërë këtyre viteve miqësia jonë vazhdon të jetë e fortë dhe është simbol i miqësisë së pathyeshme mes Kosovës dhe SHBA-ve.

Të tjera

Fokusi

lajme